264
samādhānaḥ- hān̐, aisā hai. paryāyameṁ adhūrā, dravya-se pūrṇa hū̃n.
mumukṣuḥ- .. aisā dr̥ṣṭimeṁ liyā hai, usī vakta paryāyameṁ kārya karanā bākī rahatā hai.
samādhānaḥ- us samay khyāl hai, kārya karanekā hai. kahīṁ bhūl rahe aisā hai hī nahīṁ. svayaṁ āge baḍh nahīṁ sakatā hai, isaliye sab praśna utpanna hote haiṁ. bākī gurudevane itanā kahā hai ki kahīṁ bhūl na rahe, itanī spaṣṭatā kī hai. sab spaṣṭīkaraṇ kiyā hai. jise koī praśna utpanna huā ho, usīkā spaṣṭīkaraṇ unakī vāṇīmeṁ ātā thā. kisīko aisā lage ki yah kahān̐-se āyā? jise jo praśna hote the, un sabakā uttar ā jātā thā.
mumukṣuḥ- tīrthaṁkar jaisā yog thā.
samādhānaḥ- hān̐, aisā yog thā. unakī vāṇīkā yog hī aisā thā.
samādhānaḥ- .. aṁtarameṁ svabhāvameṁ sab bharā hai. aṁtar dr̥ṣṭi kar to aṁtarameṁ-se sab nikale aisā hai. usake liye sab vicār, vāṁcan ādi (hai). ātmā ek anādiananta vastu hai. ek tattva hai. agādh samudra, agādh guṇoṁ-se bharā hai. sab vibhāvabhāv hai vah ātmākā svabhāv nahīṁ hai. vah to puruṣārthakī mandatā-se, karmake nimitta-se apane puruṣārthakī mandatā-se hotā hai. svayaṁ puruṣārtha palaṭakar ātmā taraphakī ruci karake usīkā bār-bār manan, ciṁtavan, sab ātmākā kaise ho, vahī karane jaisā hai. usīkī ruci baḍhāne jaisā hai.
anādi kālameṁ sab kiyā, lekin ek ātmā apūrva hai (aisā jānā nahīṁ). gurudevakī vāṇī apūrva thī. kitane sāl vāṇī barasāyī hai. yahān̐ 45-45 sāl nivās kiyā hai. subah aur dopaharako vāṇī hī barasāte the. unakā to param upakār hai. itanī to ṭep huī haiṁ. unheṁ to vāṇīkā yog koī prabal aur unakā prabhāvanā yog, aur unakī vāṇī kuch alag jātakī thī. ve to mahāpuruṣ the. yahān̐ to jo unase prāpta huā hai, vah sab kahanemeṁ ātā hai. unhoṁne to barasoṁ vāṇī barasāyī hai.
mumukṣuḥ- itanā kahā hai to ham jaise jīvoṁko itanā upakārī hai ki jisakī koī kīmat nahīṁ ho sakatī.
samādhānaḥ- gurudev mānoṁ sākṣāt bolate ho, aisā ṭepameṁ lagatā hai. .. to hūbahū siṁhakī dahāḍ lagatī thī. unakā jo pravacan thā, vah alag thā. unakī karuṇā utanī thī. koī ādamī āye to karuṇā-se hī bulāte the. śarīrakā koī ghyān nahīṁ thā.
... to aṁtarameṁ dr̥ḍh ho. ātmā sarvase bhinna jñāyak hai, usīkā abhyās aur usīkā vāṁcan, usakā vicār, bār-bār vicār aur vāṁcanameṁ dr̥ḍh karane jaisā hai. ek jñāyak ātmāko pahacānaneke liye.