180 haiṁ? ki jñānako prasiddha karate haiṁ. vah jñān dehapramāṇ ātmā hai to vahān̐ pariṇaman ho rahā hai. parantu jis prakār-se spaṣṭapane usake svarūp-se khyālameṁ ānā cāhiye ki jo khyālameṁ āne-se sīdhā jñāyak bhāvabhāsanarūp ho, aisā nahīṁ hotā hai.
samādhānaḥ- usakā prayatna karanā. yukti-se, vicār-se nakkī kare lekin usameṁ jo astitva hai, vah kaise grahaṇ ho, usakā vicār, prayatna, maṁthan sab usīkā, usakī laganī, mahimā sab vahī karanā hai. bāhar-se kuch nahīṁ hotā hai. aṁtarameṁ aṁtar dr̥ṣṭi karanī. gurudevane bahut kahā hai. aṁtar-se hī vah grahaṇ kaise ho? use hī grahaṇ karanā hai. sabako gujarātī bhāṣāmeṁ khyāl ātā hai? gurudevane to cāroṁ or-se pracār kiyā hai.
mumukṣuḥ- paryāyeṁ pragaṭ huyī haiṁ, usake sāth tatapanā hai yā atatapanā?
samādhānaḥ- apanī paryāyoṁke sāth? koī apekṣā-se tat hai, koī apekṣā-se atat hai. apanī paryāyake sāth tanmay hai aur paryāy to kṣaṇik hai. isaliye use atat bhī kahanemeṁ ātā hai. paryāy palaṭatī hai. aur paryāy to dravyake āśray-se hotī hai. isaliye paryāy usake sāth tatarūp hai aur koī apekṣā-se atat bhī hai.
mumukṣuḥ- jñān, darśan, cāritrakī pariṇati usakā svabhāv hone-se use sahaj kahā.
samādhānaḥ- vah sahaj hai. usakā svabhāv hai.
mumukṣuḥ- aur puruṣārthapūrvak prāpta hotā hai, isaliye puruṣārtha-se prāpta hotā hai aisā kahanemeṁ ātā hai.
samādhānaḥ- hān̐, puruṣārtha-se pragaṭ hotā hai. jagatameṁ jo kuch vastuke svabhāvameṁ nahīṁ hai aisā kuch utpanna nahīṁ hotā hai. usake svabhāvameṁ hai vah utpanna hotā hai. parantu vah puruṣārtha-se pragaṭ hotā hai. pariṇati jo anādi-se vibhāvameṁ hai, vah apaneāp svabhāvameṁ ā jātī hai, puuruṣārthake binā, aisā nahīṁ hai. puruṣārtha-se apane svabhāv taraph ātī hai. parantu jo svabhāv hai palaṭanekā aur usakā svabhāv hai jñān, darśan, cāritra ādi usake svabhāvameṁ-se pragaṭ hotā hai, isaliye sahaj hai.
aisā ho ki jaise honā hogā vaise hogā, to aise pragaṭ nahīṁ hai. karanevālekī dr̥ṣṭi, jise svabhāv pragaṭ karanā hai, usake khyālameṁ to (aisā hotā hai ki) maiṁ puruṣārtha karake palaṭā karũn. maiṁ jñāyak taraph dr̥ṣṭi karun̐, usakī bhāvanā vaisī hotā hai. karanevāleko aisā nahīṁ hotā ki jaise honā hogā vaise hogā. jaise pariṇati honevālī hogī vaise hogī, aisā karanevāleke lakṣyameṁ nahīṁ hotā.
jñāyakako grahaṇ karake pariṇati apanī taraph ātī hai to jñāyakameṁ jo svabhāv hai vah use pragaṭ hotā hai. vah sahaj hai. usakā svabhāv pragaṭ hotā hai, svabhāvakī pariṇati pragaṭ hotī hai.