194
usakā svabhāv jo hai ek samayameeṁ jāne, jñān dūsareko jānane nahīṁ jātā, parantu apanemeṁ jñānakī pariṇati sva taraph hī muḍ gayī. svayaṁ apaneko jānate hue par sahaj hī jñāt ho jātā hai. pūrṇa lokālok aur svayaṁ ātmā, ātmāke ananta guṇ-paryāy aur dūsareke svayaṁko jānate hue sab jñāt ho jātā hai. aisī sahaj pariṇati (ho jātī hai). vikalpa nahīṁ hotā ki maiṁ śreṇi lagāūn̐, kevalajñān nahīṁ ho rahā hai. mujhe vītarāg daśā ho, mere svarūpameṁ līnatā karun̐, mujhe bāhar kahīṁ nahīṁ jānā hai. vibhāv pariṇati suhātī nahīṁ. isaliye svarūpameṁ aisī līnatā ho gayī. ātmāke alāvā mujhe kahīṁ cain nahīṁ hai. ātmāmeṁ utanī līnatā ho gayī ki phir bāhar hī nahīṁ āte. andar gaye so gaye, svarūpameṁ samāye so samāye, bāhar hī nahīṁ āye. aisī pariṇati hotī hai isaliye vītarāg daśā aur kevalajñānakī daśā pragaṭ ho jātī hai.
mumukṣuḥ- koī bhī daśākī icchā nahīṁ karī, ātmāmeṁ hī līnatā kī.
samādhānaḥ- koī daśākī icchā nahīṁ hai. ek ātmākī līnatā, ātma svarūpameṁ sthir ho jāūn̐, svarūpake alāvā kahīṁ nahīṁ jānā hai. vibhāvameṁ kahīṁ nahīṁ jānā hai. ek svarūpameṁ hī rahū̃n. pariṇati aisī jam gayī ki usameṁ kevalajñān ho gayā.
samyagdarśanameṁ usakī pratīti itanī joradār hai ki isīmeṁ līnatā karũn. parantu vah līnatā amuk prakār-se ṭikatī hai aur thoḍā bāhar āte haiṁ. vah līnatākā jor baḍhate-baḍhate usakī bhūmikā baḍhatī hai. aur bhūmikā baḍhate-baḍhate munidaśā ākar phir śreṇi lagāte haiṁ.
jñāyakakī dhārā, bhedajñānakī dhārā sahajapane vartatī hai. usameṁ unheṁ svarūpameṁ līnatā nirvikalpa daśā hotī hai, aisā karate-karate usakī bhūmikā baḍh jātī hai. svarūpakī līnatā baḍhate-baḍhate usakī bhūmikā cauthemeṁ-se pān̐cavī ho jātī hai. līnatā baḍhatī hai isaliye. usake anukūl jo jātake śubhabhāv hote haiṁ, vah bhāv āte haiṁ. usameṁ amuk vratādike āte haiṁ. aisā karate-karate līnatākī-svarūpameṁ rahanekī bhūmikā baḍhatī jātī hai isaliye chaṭhavāṁ-sātavāṁ guṇasthān aur munidaśā ho jātī hai. phir aisī daśā ho jātī hai ki aṁtamuūrharta-se jyādā bāhar ṭik nahīṁ sakate haiaiṁ. isaliye munidaśā ātī hai. aur munidaśāmeṁ rahate-rahate bāhar hī nahīṁ jāy aisī līnatā ho jātī hai isaliye śreṇi lagāte haiṁ.
mumukṣuḥ- caturtha guṇasthān-se ākhir tak līnatākā ek hī puruṣārtha hai.
samādhānaḥ- bas, vah līnatākā puruṣārtha hai. pahale samyagdarśanakī pratīti kā bal hotā hai. us pratītike balapūrvak līnatākī pariṇati hotī hai. līnatā arthāt cāritrakī daśā pragaṭ hotī hai. samyagdarśanapūrvak svarūpakā ālamban hai, pratītameṁ svarūpakā-dravyakā