Benshreeni Amrut Vani Part 2 Transcripts-Hindi (iso15919 transliteration).

ṭrek-

271

203

usakī hī karanī hai, dhyey to usīkā rakhanā hai ki maiṁ sarva prakārake rāg-se bhinna hī hū̃n. merā caitanya svabhāv bhinna aur ye bhinna haiṁ. parantu bīcameṁ śrutakā abhyās, satsaṁg, vairāgya ādi mumukṣukī bhūmikāmeṁ use āye binā nahīṁ rahatā. isaliye vah bīcameṁ hotā hai. jabatak vah samajhatā nahīṁ hai, samyagdarśan nahīṁ huā hai aur samyagdarśan huā ho to bhī bīcameṁ vah śubhabhāv to āte haiṁ. samyagdarśanakī bhūmikāmeṁ use śraddhāmeṁ-se chūṭ gayā hai. maiṁ to vītarāg svarūp hūn̐, jñāyak hūn̐, rāg svabhāv kahīṁ ātmākā nahīṁ hai. rāg-se ātmā atyaṁt bhinna hai. samyagdarśanameṁ to use vah pratīti ho gayī hai. svānubhūti ho gayī hai. rāg vah kahīṁ ātmākā svarūp nahīṁ hai, vah to vibhāv hai. isaliye use bādhak kahanemeṁ ātā hai.

vibhāv hai isaliye bādhak hai, parantu bīcameṁ āye binā nahīṁ rahatā. isaliye aśubh pariṇām-se bacaneko śubhabhāv āte haiṁ. svabhāvakī jisase pahicān ho aisā śrutakā abhyās, gurukī vāṇīkā śravaṇ, jinendra devakī bhakti ādi sab bīcameṁ āye binā nahīṁ rahatā. bīcameṁ ātā hai to bhī jab nirvikalpa daśā hotī hai, vah sab vikalpakī jāl hai, isaliye usameṁ aṭakanā nahīṁ hai ki itanā śrutakā abhyās kar lūn̐ ki yah kar lūn̐, usameṁ yadi ruke to vah rāg ātmākā svarūp nahīṁ hai. yadi nirvikalpa daśā hotī ho to vah sab chūṭ jātā hai. usameṁ vah nahīṁ rahatā. vītarāg daśā hotī hai. usameṁ rāg-śubhabhāv rakhane jaisā nahīṁ hai. vītarāg honā vahī ātmākā svarūp hai. dhyey to vahī rakhanekā hai.

munioṁko kahanemeṁ ātā hai na ki śubh ācaraṇ yā aśubh ācaraṇarūp karma, vah to vibhāv avasthā hai. to niṣkarma avasthāmeṁ muni kuch na kare, ācaraṇ na ho to ve kahīṁ aśaraṇ nahīṁ ho jāte, ve to svarūpameṁ amr̥t pīte haiṁ. jo svarūpakī sādhanā aur nirvikalpa daśā hotī ho aur cāritrakī līnatā, nirvikalpa daśā hotī ho, cāritrakī līnatā hotī ho aur vah chūṭ jāy to vah to ātmākā svarūp hī hai, vītarāg daśā hai. unheṁ vah hotā ho aur usameṁ ruke to vah to bādhak hai. parantu aśubh- se bacaneke liye vah śubhabhāv bīcameṁ āye binā nahīṁ rahate. prāraṁbhameṁ bhī āte haiṁ. samyagdarśan huā, abhī vītarāg daśā nahīṁ huyī hai to ātā hai. munioṁko bhī bīcameṁ hotā hai. parantu chaṭhaveṁ-sātaveṁ guṇasthānameṁ jhulate muni jab bāhar āte haiṁ tab śubhabhāv hote haiṁ. aṁtarameṁ sthir hote haiṁ to nirvikalpa daśāmeṁ to chūṭ jātā hai. isaliye koī apekṣā-se use bīcameṁ ātā hai aur vah apanā svarūp nahīṁ hai, vibhāvabhāv hai, isaliye vah bādhak hai.

mumukṣuko to dhyey vah rakhanekā hai ki maiṁ vītarāg svabhāv hūn̐, maiṁ caitanya hū̃n. ye

< Previous Page Next Page >