Benshreeni Amrut Vani Part 2 Transcripts-Hindi (iso15919 transliteration).

ṭrek-

271

205

ātā hai.

mumukṣuḥ- vacanāmr̥tameṁ ātā hai ki rāgakā ras phikā paḍ jātā hai. rāg to rahatā hai, lekin samyagdr̥ṣṭiko ras phikā paḍ jātā hai.

samādhānaḥ- use, rāgakā svāmītva (nahīṁ hai). rāg merā svarūp nahīṁ hai, asthiratākā rāg khaḍā rahatā hai, parantu rāg par prīti nahīṁ hai. ye rāg ādaraṇīy nahīṁ hai, yah merā svarūp nahīṁ hai. maiṁ to vītarāgasvarūp hū̃n. isaliye rāgakā ras phikā paḍ jātā hai. usakī ekatvabuddhi ṭūṭ jātī hai.

ye rāg merā svarūp hī nahīṁ hai. usase atyaṁt bhinna pariṇati rahatī hai. usameṁ ananta ras nikal jātā hai. usakī svāmitva buddhi, usakā ras (ṭūṭ gayā hai). rāg khaḍā rahe to bhī rāgakā rāg nahīṁ hai. rāg rakhane yogya nahīṁ hai aur rāg merā svarūp nahīṁ hai, aisī jñāyak daśā use pratikṣaṇ vartatī hī hai.

jab vaisī pariṇati andar ho to vikalpa ṭūṭakar svānubhūtikī daśā pariṇamit ho jātī hai. rāgakā ras to ūtar gayā hai, parantu asthiratāke kāraṇ vah rāgameṁ rukhe bhāv- se juḍatā hai. use bhedajñānakī pariṇati (calatī hone-se) bhinna bhāv-se juḍatā hai. nyārī pariṇati hai.

mumukṣuḥ- ātmāmeṁ sukh bharā paḍā hai, to usakā nirṇay karanekī rīt kyā hai?

samādhānaḥ- ātmāmeṁ sukh hai. ācāryadevane, gurudevane anek prakār-se usakā svabhāv batākar anek yukti-se, dalīl-se ācāryadev kahate haiṁ, gurudev kahate haiṁ ki ham svānubhūti karake kahate haiṁ ki ātmāmeṁ sukh hai. phir usakā nirṇay karanā vah to apane hāthakī bāt hai, nirṇay kaise karanā vaha.

usakī anek yuktiyon̐-se, dalīloṁ-se sarva prakār-se. āgam, yukti aur svānubhūti, sarva prakār-se gurudev aur ācārya kahate haiṁ. gurudevane to upadeś dekar bahut spaṣṭa (kiyā hai), sab sūkṣma prakār-se apūrva rītase samajhāyā hai. nirṇay to svayaṁko hī karanā hai.

mārga batāye, koī mārga par jā rahā ho use mārga batāye, calanā to svayaṁko hai. nirṇay to svayaṁko hī karanā hai. jo sukhakī icchā karatā hai, jahān̐-tahān̐ sukhakī kalpanā karanevālā hai. kisī bhī bhāvoṁmeṁ, kisī bhī rāgameṁ, kisī bhī kāryameṁ jo sukhakī kalpanā karanevālā, sukhakī kalpanā karake jo sukh mānatā hai, vah sukhakī kalpanā karanevālā svayaṁ sukhasvabhāvī hai. isaliye kalpanā karatā hai. jo sahaj sukhasvabhāvī, jo sahaj ānanda svabhāvī hai. apanī or dr̥ṣṭi nahīṁ hai, sahajarūp pariṇamatā nahīṁ hai. jo anyameṁ sukhakī kalpanā karanevālā hai, jo caitanya hai, jahān̐-tahān̐ sukhakī kalpanā (karanevālā hai), jahān̐ sukh nahīṁ hai, vahān̐ kalpanā karake sukhako svayaṁ vedatā hai, sukh mān rahā

< Previous Page Next Page >