samādhānaḥ- gurudev to anek prakār-se sab spaṣṭa karake kahate the. muktikā mārga gurudevane koī apūrva rīt-se sabako samajhāyā hai aur unakī vāṇī apūrva thī. kitanoṁ jīvoṁko taiyār kar diye haiṁ.
mumukṣuḥ- gurudev-se lābh huā to phir ekatva ho gayā.
samādhānaḥ- gurudev-se lābh huā usameṁ ekatva nahīṁ hotā hai. ekatva pariṇati ekatva dr̥ṣṭi ho to hotā hai, aise ekatva nahīṁ hotā hai. bhedajñānapūrvakakī pariṇati ho vahān̐ ekatva hotā hī nahīṁ. ekatvabuddhi ho vahān̐ ekatva hotā hai. gurudev-se lābh huā aisā māne isaliye usakī ekatva pariṇati nahīṁ hai. vah bole aisā aur vah kahe bhī aisā ki gurudev-se lābh huā, gurudev āp-se lābh huā, āpane hī sab kiyā, āp-se hī sab prāpta kiyā hai, aisā kahe.
mumukṣuḥ- śabda ek hī hoṁ, phir bhī dr̥ṣṭimeṁ pharka hone-se abhiprāyameṁ pharka hai.
samādhānaḥ- dr̥ṣṭimeṁ pharka hone-se pūrā pharka hai. ekatvabuddhi-se kahe aur bhedajñān- se kahe usameṁ pharka hai.
mumukṣuḥ- ekatvabuddhivāle-se bhī jyādā vinay kare.
samādhānaḥ- hān̐, jyādā vinay kare, jyādā vinay kare.
mumukṣuḥ- bhāṣāmeṁ to ananta tīrthaṁkaroṁ-se adhik hai, aisā kahe.
samādhānaḥ- hān̐, āpane yahān̐ janma nahīṁ dhāraṇ kiyā hotā to ham jaisoṁkā kyā hotā? aisā kahe. jyādā vinay kare. kyoṁki aṁtarameṁ svayaṁko jo svabhāv pragaṭ huā hai, us svabhāvakī use itanī mahimā hai ki jo svabhāv jisane pragaṭ kiyā aur samajhāyā, us par use mahimā ātī hai. aṁtarameṁ jo śubhabhāv vartatā hai, usake sāth bhedajñān vartatā hai aur śubh bhāvanāmeṁ jo ātā hai, usameṁ use uchālā ātā hai ki merī pariṇati pragaṭ karanemeṁ gurudevane aisā upadeś dekar jo gurudev maujūd the, un par use uchālā ātā hai. ataḥ dūsare-se jyādā utsāh ākar bhakti ātī hai. usakā aisā dikhe ki dūsare-se kitanī (bhakti hai). bāhar-se aisā lage mānoṁ ekatvabuddhi-se karatā ho aisā dikhe. parantu śubhabhāvanāmeṁ use bhedajñān vartatā hai, us śubhabhāvoṁ-se aur śubhabhāvameṁ jo