Benshreeni Amrut Vani Part 2 Transcripts-Hindi (iso15919 transliteration).

223

ṭrek-274

mumukṣuḥ- mānyatākī bhūl-se jñānameṁ bhūl hotī hai.

samādhānaḥ- hān̐, mānyatākī bhūl-se jñānameṁ bhūl hotī hai. bākī svayaṁ to jānanevālā jñāyakasvabhāvī hai. jānanevālā to jānanevālā hai, parantu usakī mānyatākī bhūl hotī hai. jūṭh mānatā hai. jñānakā jānanekā jūṭhā ho rahā hai, mānoṁ parameṁ-se jñān ātā hai aur svayaṁ mānoṁ bāhar jā rahā hai. maiṁ svayaṁ jñāyakarūp hūn̐, aisā jñān nahīṁ hai. maiṁ svabhāvarūp-jñānasvabhāvarūp hī hū̃n. svabhāvarūp hai sahī, lekin svabhāvarūp hī hūn̐, aisā jñān nahīṁ hai.

mumukṣuḥ- ajñānīko jo indriyajñān hai aur jñānīkā indriyajñān, ye donoṁ indriy jñānameṁ kuch pharka hai?

samādhānaḥ- jñānīko yathārtha jñān hai. isaliye use jñān bhedajñānapūrvakakā jñān hotā hai, ekatva nahīṁ hotā. use jānanekī apekṣā-se, bāharakā jāne us jānanekī apekṣā- se samān hai, parantu isakī diśā alag hai, usakī diśā alag hai. jñānī alag diśāmeṁ rahakar jānatā hai. usakī diśā sva taraphakī hai, svakī diśāmeṁ rahakar, svako rakhakar par taraph jātā hai, parantu svako choḍatā nahīṁ hai. usakī diśā alag aur isakī diśā alag hai. (ajñānī) mānoṁ bāhar calā gayā is tarah jānatā hai. bāharakā jānanā ki ye kivāḍ hai yā ye hai, vo hai, jānanekī apekṣā-se sarīkhā hai, parantu usakī diśā alag hai. alag diśāmeṁ khaḍā rahakar jānatā hai. aur vah alag diśāmeṁ khaḍā rahakar jānatā hai (arthāt) ekatva karake jānatā hai. (jñānī) bhinna rahakar jānatā hai. usakī diśā pūrī alag hai. dekhane-dekhanameṁ aṁtar hai.

isīliye kahate haiṁ, jñānakī pariṇati sab jñānarūpī hī pariṇamatī hai. usakī diśā hī alag hai. jñāyak rahakar hī (jānatā hai), ekatva nahīṁ hotā hai, bhinna jñāyak rahakar jānatā hai. svayaṁ sva taraph pariṇati rakhakar par taraph jo upayog jātā hai, vah bhinna rahakar jānatā hai. jānanekī pūrī diśā alag hai. isaliye isakā jānā huā jñān kahalātā hai, usakā jānanā ajñān kahalātā hai. svako jānatā nahīṁ hai, ekatva karake jānatā hai.

svayaṁ bhinna rahakar (jānatā hai). indriyoṁ-se mujhe lābh hotā hai, usake āśray- se maiṁ jānatā hūn̐, aisī usakī śraddhā hai. bhinna rahakar jānatā hai. svayaṁ apane svataḥ pariṇamanako bhinna rakhatā hai. is tarah jānatā hai.

mumukṣuḥ- jānanekī apekṣā-se donoṁ indriyajñān sarīkhā?

samādhānaḥ- jānanekī apekṣā-se. parantu usakī pariṇati pūrī alag diśāmeṁ hai.

mumukṣuḥ- atīndriy jñānakī pariṇati pragaṭ ho gayī hai.

samādhānaḥ- pragaṭ huyī hai, us pūrvak (jānatā hai). abhī adhūrā hai isaliye

< Previous Page Next Page >