236 caitanya hai, us caitanyako grahaṇ karanā.
jo andar maiṁ, maiṁ ho rahā hai, vikalparūp nahīṁ, parantu vah jo jñānakā astitva hai, jo sabako jānanevālā hai, jo ananta kāl gayā athavā svayaṁ choṭe-se baḍā huā, vah sab bhāv to cale gaye, parantu usako jānanevālā to vaisā hī hai. dhārāvāhī jānanevālā hai. choṭā thā, phir kyā huā, jo vicār āye, gaye, un sabako jānanevālā to dhārāvāhī aisā hī hai. us jānanevālekā jo astitva hai vah maiṁ hū̃n. jānanevālā maiṁ hū̃n. bāharakā jānā isaliye jānanevālā hūn̐, aisā nahīṁ, parantu maiṁ jānanevālā svayaṁ jānanevālā hī hū̃n. jānanevālekā astitva grahaṇ karanā.
.. āśray-se hotī hai, parantu paryāy jitanā dravya nahīṁ hai. paryāy kṣaṇik hai, aṁś hai. aur dravya hai so to aṁśī hai. ananta paryāyarūp dravya pariṇamatā hai aur paryāy to palaṭatī rahatī hai. aur dravya to anādiananta ekasarīkhā hai. ataḥ aṁś jitanā dravya nahīṁ hai. dravya to pūrā aṁśī anādiananta ananta-ananta svabhāv-se bharā hai. ananta svabhāv-se bharā hai.
mumukṣuḥ- ananta guṇ jo kahanemeṁ ātā hai, vah kyā hai?
samādhānaḥ- ananta guṇ kaho, ananta svabhāv kaho, vah sab ek hai.
mumukṣuḥ- dravya niṣkriy kaise hai?
samādhānaḥ- dravya niṣkriy arthāt pāriṇāmikabhāvakī apekṣā-se vah kriyāvān hai. usameṁ pariṇati hotī hai. pratyek guṇoṁkī paryāy (hotī hai). jñānakā kārya jñānarūp āye, ānandakā kārya ānandarūp ātā hai. pratyek guṇakā kārya usameṁ āte hī rahatā hai. kevalajñānīko kevalajñān hotā hai, lokālokako jāne vah sab jñānakā kārya ātā hai. kevalajñānī ānandarūp pariṇamate haiṁ, ānandakā kārya āve. us apekṣā-se dravya sakriy hai. parantu vah kriyā aisī nahīṁ hai ki vah dravya sarva prakār-se kriyātmak hai.
svayaṁ anādiananta niṣkriy hai. svayaṁ apanī apekṣā-se dravya niṣkriy hai. maryādāmeṁ usakī kriyāen̐ hotī hai. apanā dravya palaṭ jāy aisī kriyā usameṁ nahīṁ hotī hai. apanā svabhāv rakhakar vah kriyā usameṁ hotī hai. us apekṣā-se dravya niṣkriy hai. paryāy apekṣā- se sakriy hai aur dravya apekṣā-se niṣkriy hai. sarvathā niṣkriy nahīṁ hai.
mumukṣuḥ- vahān̐ dravya akelā dhruv lenā?
samādhānaḥ- hān̐, akelā dhruv dravya. dravya ekasarīkhā rahatā hai.
mumukṣuḥ- jo dr̥ṣṭikā viṣay banatā hai vah?
samādhānaḥ- hān̐, jo dr̥ṣṭikā viṣay banatā hai, vah dravya ekasarīkhā niṣkriy rahatā hai. jisameṁ koī pheraphār nahīṁ hote. anādiananta ekarūp rahatā hai. apanā nāś nahīṁ