276
nahīṁ lāgū paḍatā. kevalajñānameṁ bhī koī kāraṇ nahīṁ hai. vah jo bhāv kare usameṁ koī kāraṇ lāgū nahīṁ paḍatā. sab akāraṇarūp-se pariṇamate haiṁ.
mumukṣuḥ- kevalajñānīne jānā ho vaisā ho na. akāraṇ pāriṇāmik kaise rahā? akāraṇ pāriṇāmik dravya svataṁtra hai aur kevalajñānīne jānā ho vaise pariṇame to ban̐dh gayā.
samādhānaḥ- kevalajñānīne jānā... kevalajñānīne isaliye kahīṁ ban̐dh nahīṁ gayā. vah to svataḥ pariṇamatā hai. kevalajñānameṁ aisā hī jñāt huā hai. kevalajñānīne jānā isaliye svayaṁ pariṇaman na kar sake aisā nahīṁ hai. svayaṁ to svataṁtra pariṇamatā hai. kevalajñān use rokane nahīṁ ātā. kevalajñān kevalajñānameṁ hai aur svayaṁ apanemeṁ hai. pratyek dravya svataṁtra hai. kevalajñānīne jānā isaliye vaise pariṇamanā hī paḍe, aise dravya kahīṁ parādhīn nahīṁ ho gayā. kevalajñānane jānā isaliye svayaṁ usake adhīn ho gayā, aisā kuch nahīṁ hai. svayaṁ svataṁtra pariṇamatā hai. apanī pariṇati apane-se hotī hai, kevalajñān use pariṇaman nahīṁ karavātā. apanī pariṇati, kaisā pariṇaman karanā vah apane hāthakī bāt hai.
svayaṁ svabhāv taraph pariṇame, vibhāv taraph jātā hai, vah sab apanī pariṇati to svataḥ badalatā hai. isaliye puruṣārtha-se palaṭanā vah apane hāthakī bāt hai. kevalajñānane jānā isaliye usake hāthameṁ hai, aisā nahīṁ hai. kevalajñānane jānā isaliye usake hāthameṁ hai, aisā nahīṁ hai. vah jis svarūp palaṭatā hai, vaisā kevalajñān jānatā hai. bhale kevalajñānameṁ pahale-se jñāt huā ho, parantu palaṭatā hai vah svayaṁ apane-se palaṭatā hai. kevalajñānane jānā isaliye vaise hī pariṇamanā paḍe, aisā usakā artha nahīṁ hai.
bhale kevalajñānameṁ jñāt huā ki yah pariṇaman aise hogā. to bhī svayaṁ hī pariṇamatā hai. apane puruṣārthakī gati-se svayaṁ pariṇamatā hai. svayaṁ aisā māne ke kevalajñānameṁ jaisā jānā vaisā hogā. aisā jo mānatā hai, usakā puruṣārtha uṭhatā nahīṁ. jo aisā māne ki jaise honā hogā vaise hogā, usakā puruṣārtha (uṭhatā nahīṁ). puruṣārthapūrvak jisake khyālameṁ aisā rahatā hai ki mujhe puruṣārtha karanā hai, mujhe caitanyakī daśā pragaṭ karanī hai, aisī jise bhāvanā rahe use hī kevalajñān aur sab sulaṭā jānā hai. jisake bhāvameṁ aisā rahe ki jaise honā hogā vaise hogā, usakī pariṇati kevalajñānīne vaisī hī jānī hai.
jo pariṇati palaṭatī hai, use puruṣārthake sāth sambandha hai. puruṣārthake sambandha binā vah aisā māne ki puruṣārtha ho yā na ho, aise hī palaṭ jāyagī. jo sahaj pariṇati pragaṭ hotī hai akāraṇarūp-se, vah puruṣārthapūrvak palaṭatī hai. use puruṣārthake sāth sambandha hai. kramabaddha aur puruṣārtha donoṁko sambandha hai. akelā kramabaddha (nahīṁ hai). kramabaddhako puruṣārthake sāth sambandha hai. puruṣārtha binā kramabaddha nahīṁ hotā, vah sambandhavālā hai.