278
andarameṁ-se palaṭe binā nahīṁ rahatā. vaise gahare saṁskār ḍāle to vah palaṭe binā nahīṁ rahatā.
mumukṣuḥ- vahān̐ phir kālakā koī kāraṇ nahīṁ rahatā. kabhī bhī ho. kisakī jaldī ho, kisīko vilaṁb ho, parantu hotā jarūr hai.
samādhānaḥ- hotā jarūr hai.
mumukṣuḥ- usameṁ jyādā-se jyādā amuk kāl lagatā hai, aisā hai?
samādhānaḥ- jise ruci huyī, gaharī ruci huyī, use kālakā māp nahīṁ hai. lekin usakā kāl maryādit ho jātā hai, use ananta kāl to nahīṁ lagatā. use maryādāmeṁ ā jātā hai. gahare saṁskār ho to ā jātā hai.
mumukṣuḥ- bhūl hotī ho to hameṁ kisake pās hamārī bhūl pakaḍavāne jānā, yah samajhameṁ nahīṁ ātā.
samādhānaḥ- gurudevane to spaṣṭa karake batāyā hai, karanekā svayaṁko bākī rah jātā hai.
mumukṣuḥ- kyoṁki jñānīke binā jñān gamya nahīṁ hai. jñāniyoṁkī bheṁṭ huyī, tīrthaṁkarakī huyī to bhī ye paristhiti kyoṁ rah gayī?
samādhānaḥ- svayaṁne jñānīko, guruko pahicānā nahīṁ hai. sab mile, bhagavānako pahacānā nahīṁ. svayaṁne bāhar-se pahacānā hai. aṁtar koī apūrva rīt-se ye alag hai, kuch alag kahate haiṁ, us prakār-se pīchānā nahīṁ.
ye to paṁcam kālameṁ gurudev padhāre aur kuch alag prakār-se bāt kahī, isaliye sabako khyāl āyā ki ye kuch alag kahate haiṁ. bākī svayaṁne sthūl dr̥ṣṭi-se har bār pahacānā hai. bhagavān samavasaraṇameṁ baiṭhe ho, bhagavānakī vāṇī (chūṭatī hai), bhagavānake ye atiśay hai, bhagavānake pās indra āte haiṁ, aise bāhar-se sab grahaṇ kiyā hai. bhagavānakā ātmā kyā hai aur ve kyā kahate haiṁ? vah kuch grahaṇ nahīṁ kiyā.
mumukṣuḥ- bāhya vibhūti dekhanemeṁ aṭak gayā.
samādhānaḥ- bāhya vibhūti dekhī.
samādhānaḥ- manuṣyoṁmeṁ aisī śakti nahīṁ hotī, devameṁ to sab śakti hai, sab kṣetrameṁ jānekī. devameṁ bhī vahī karate haiṁ. bhagavānake pās jāte haiṁ. har jagah jā sakatā hai. gurudev bhagavān-bhagavān karate the. sākṣāt bhagavānake pās jā sake, samavasaraṇameṁ divyadhvani sunane. vahān̐ śāśvat mandir haiṁ, svargameṁ mandiroṁmeṁ pūjā, dharma carcā ādi sab hotā hai, devalokameṁ svādhyāyādi sab hotā hai. yahān̐ gurudev ājīvan koī mahāpuruṣ banakar rahe, vahān̐ devameṁ bhī vahī karate haiṁ. kṣetra-se dūr hue haiṁ, bākī gurudev to virājate haiṁ svargameṁ. yahān̐ bahut sāl virāje haiṁ.