Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

256 yadi jāne to use jñaptikriyā pragaṭ huyī hai. nahīṁ to jñaptikriyā nahīṁ hai. "jo jāne so jānanahārā'. jo jānatā hai vah karatā nahīṁ aur jo karatā hai vah jānatā nahīṁ. parake sāth ekatvabuddhike kāraṇ maiṁ karun̐, maiṁ karun̐ aisā hotā hai. yathārtha jāne to use jñaptikriyā yathārtha hotī hai. bākī sthūlarūp-se to sab jānatā hī rahatā hai.

jānanekā usakā svabhāv hai, vah kahīṁ nāś nahīṁ jātā. jānatā to hai, parantu svayaṁko nahīṁ jānatā hai. vah jānanā yathārtha nahīṁ hai. apane dravya-guṇ-paryāyako nahīṁ jānatā, isaliye vah dūserakā bhī yathārtha nahīṁ jānatā.

mumukṣuḥ- mokṣārthīko prayog karanā cāhiye. to vah dhyān yānī bhedajñānakā abhyās?

samādhānaḥ- bhedajñānakā abhyās vah dhyāna. kyoṁki pahale vah abhyās kare. yadyapi yathārtha dhyān to jñāyakakī dhārā pragaṭ ho aur usameṁ līnatā kare to yathārtha dhyān ho. parantu pahale usakā abhyās hotā hai. bhedajñānakā abhyāsarūp dhyān karanā hai. kyoṁki apanā astitva grahaṇ kiye binā kahān̐ sthir hogā? jahān̐ sthir honā hai, vah jo dravya hai us dravyako grahaṇ kare. jo śāśvat dravya hai usameṁ sthir huā jāya. paryāy par sthir nahīṁ huā jātā. paryāy to palaṭatī rahatī hai. sthir to dravyako pahacāne to huā jātā hai. parantu dravyako pīchānanekā prayatna kare, us jātake abhyāsakā prayatna kare. to us jātakā dhyān hotā hai.

bhedajñānakā abhyās karanekā prayatna kare ki maiṁ bhinna hū̃n. ye vibhāv maiṁ nahīṁ hūn̐, śarīr maiṁ nahīṁ hū̃n. usakā kṣaṇ-kṣaṇameṁ bhinna paḍanekā abhyās kare. usakī ekāgratā kare ki maiṁ yah jñāyak hū̃n. aisā dhyān kare ki maiṁ yah jñāyak hūn̐, caitanya hūn̐, mahimāvaṁt śuddhātmā hū̃n. aisā bhāv-se use yathārtha pahicānakar kare. vikalparūp-se aise śuṣkapane nahīṁ, parantu jñāyak mahimāvaṁt hai, aise use grahaṇ karake bāraṁbār usakā dhyān kare to vah abhyāsarūp dhyān hai. bāraṁbār usīkā dhyān karatā rahe.

yathārtha pariṇatirūp to use jab jñāyakakī dhārā pragaṭ ho, tab use yathārtha pariṇatirūp dhyān hotā hai. yah dhyān vah abhyāsarūp kare. samajh binākā dhyān taraṁgarūp ho jātā hai. isaliye apaneko grahaṇ karake, caitanyako pahacānakar usameṁ ekāgratā kare ki maiṁ yah caitanya hūn̐, vibhāv-se bhinna hū̃n. aise bār-bār bhinna paḍanekā abhyās kare aur svayaṁko grahaṇ karanekā prayatna kare.

svayaṁko bhinna karanā, vibhāv-se svayaṁko bhinna karanā, usakā abhyās karanā. usakī pariṇatirūp jise samyagdarśan ho, vah bhī bhedajñān-se hī mukti pāte haiṁ. aur vah bhedajñān hī ākhir tak rahatā hai. use yathārtha hotā hai. us bhedajñānase hī svānubhūti hotī hai. aur us bhedajñānakī ugratāmeṁ hī use līnatā baḍhānī hai. phir līnatā baḍhātā hai,

< Previous Page Next Page >