Benshreeni Amrut Vani Part 2 Transcripts-Hindi (iso15919 transliteration).

ṭrek-

279

261

samādhānaḥ- utanī svayaṁkī mandatā hai. jīvako kahīṁ-kahīṁ saṁtoṣ ho jātā hai. isalaye āge nahīṁ baḍh sakatā.

mumukṣuḥ- āge kaise baḍhanā?

samādhānaḥ- jabatak āge nahīṁ baḍhatā, tabatak usīmeṁ usīkā abhyās karanā. usakā abhyās karate-karate tīvratā hotī hai tab vah āge jātā hai.

samādhānaḥ- gurudevane to bahut spaṣṭa kar-karake mārga sūkṣma-sūkṣma rīt-se samajhāyā hai. koī apūrva bāt samajhāyī hai. sab bāhar-se dharma hotā hai, aisā mānate the. śubhabhāv- se, bāhya kriyā karane-se dharma hotā hai, aisā mānate the.

gurudevane aṁtar dr̥ṣṭi batāyī. dharma aṁtarameṁ rahā hai. aṁtarameṁ ātmāko pahacāne. ātmā kis svabhāvarūp hai? ātmākā svarūp kyā? ātmāke dravya-guṇ-paryāy kyā hai? ye vibhāv kyā? ye paradravya kyā hai? pudagalake dravya-guṇ-paryāy, ātmāke dravya-guṇ-paryāy, use yathārtha pahicāne. aur śarīr-se bhinna, vibhāvasvabhāv apanā nahīṁ hai, usase svayaṁko bhinna kare. bhinna karake aṁtar ātmā ek apūrva anupam vastu hai, use pahicānanekā prayatna kare. to usameṁ-se hī dharma rahā hai.

dharma andar ātmāmeṁ hai. bāhar-se dev-guru-śāstrakī mahimā, śubhabhāv āye usase puṇya ban̐dhatā hai. parantu andar śuddhātmāmeṁ dharma rahā hai. aur us śuddhātmāke dhyeyapūrvak śubhabhāvameṁ jinendra dev, guru, śāstra unakī mahimā āye, ciṁtavan kare, śāstra abhyās kare. aisā sab kare. parantu ek ātmākā dhyey honā cāhiye ki mujhe śuddhātmākī pahacān kaise ho? ātmā kaise bhinna paḍe? anādikā bhinna hai, parantu vah pariṇati-se kaise nyārā ho? vah kaise ho? usakī lagan, usakī mahimā laganī cāhiye. bākī saṁsār to aise hī anādikā calatā hai.

gr̥hasthāśramameṁ rahakar bhī ātmākī ruci ho, ātmā koī apūrva hai, usakī anupamatā lage to vahī karanā hai. gurudevane koī apūrva mārga batāyā hai. unakī vāṇī koī apūrva thī, unakā ātmā apūrva thā. unhoṁne alag prakār-se sabako dr̥ṣṭi dī hai aur mārga batāyā hai. karanekā vahī hai.

mumukṣuḥ- hameṁ ye śubhabhāv yātrāke bhāv āye, āpakā darśanakā bhāv āye, gurudev pratye ananya bhakti āve. vah to āte hī haiṁ.

samādhānaḥ- śubhabhāv to āyeṁge. śubhabhāv to āye, parantu dhyey śuddhātmākā honā cāhiye. śubhabhāv to jijñāsākī bhūmikāmeṁ āve. samyagdr̥ṣṭiko śubhabhāv āte haiṁ, munioṁko śubhabhāv āte haiṁ. parantu samyagdr̥ṣṭiko andar bhedajñān hotā hai ki śubhabhāv aur ātmā bhinna hai. usakī jñāyakakī pariṇati bhinna rahatī hai. munioṁko śubhabhāv āte haiṁ. ve

< Previous Page Next Page >