palaṭatā hī nahīṁ, usameṁ svayaṁkā hī kāraṇ hai.
mumukṣuḥ- jñāyakakā jīvan nahīṁ jītā hai, usakā artha kyā?
samādhānaḥ- jñāyakarūp pariṇati nahīṁ karatā hai. maiṁ jñāyak hūn̐, us jātakī aṁtar pariṇati. jaise vibhāvakī pariṇati sahaj ho rahī hai, aise jñāyakakī pariṇati svayaṁ sahajarūp karatā hī nahīṁ, jīvan jītā nahīṁ usakā artha yah hai. us jātakā abhyās kare to jīvan sahaj ho na. abhyās hī thoḍā karake choḍ detā hai. phir anādikā pravāh hai usameṁ calā jātā hai. usakī khaṭak rakhe, ruci rakhe, aisā karatā hai parantu abhyās nahīṁ karatā hai. ruci aisī rakhatā hai ki yah jñāyak hai vahī karane jaisā hai, ye vibhāv meerā svabhāv nahīṁ hai, aisā buddhimeṁ rakhatā hai, lekin us rūp pariṇati yā abhyās nahīṁ karatā hai, choḍ detā hai.
(koī) kar nahīṁ detā hai. ulajhanameṁ-se svayaṁko palaṭanā paḍatā hai. svayaṁko hī karanā hai. bhūkh lage to khānekī kriyā svayaṁ hī karatā hai. usameṁ kisīkā iṁtajār nahīṁ karatā hai. use bhūkhakā duḥkh sahan nahīṁ hotā hai. khānekā prayatna svayaṁṁ hī karatā hai. jis jātakā andar svayaṁko vedan hotā hai, (to prayatna bhī) svayaṁ hī karatā hai. vaise yadi vāstavik vedan jāge to usakā puruṣārtha svayaṁ hī karatā hai. kisīkā iṁtajār nahīṁ karatā.
mumukṣuḥ- gurudevakī janma jayaṁtike samay āpaśrīne gurudevako svapnameṁ dekhā.
samādhānaḥ- (gurudevakā) jīvan-darśan, caraṇ ādi sab thā (to aisā huā), itanā sundar hai, aisemeṁ gurudev padhāre to bahut acchā lage. ye svādhyāy mandirakī śobhā kuch lage. gurudev virājate ho to kuch alag lage. aise hī vicār āte the. gurudev padhāre, padhāre, padhāro aisā hotā thā. isaliye prātaḥkālameṁ aisā huā ki mānoṁ gurudev svapnameṁ devameṁ-se padhāre. devameṁ-se devake rupameṁ aur dev jaise vastra. ratnakā mugaṭ, hār, vastra ādi devake rūpameṁ hī the. isaliye kahā, gurudev padhāro. to gurudevane kahā, bahin! aisā kuch rakhanā nahīṁ, maiṁ to yahīṁ hū̃n. mujhe tīn bār kahā, maiṁ yahīṁ hūn̐, aisā kuch rakhanā nahīṁ.
mumukṣuḥ- tīn bār kahā?
samādhānaḥ- hān̐, tīn bār kahā. gurudevakī ājñā hai to mān lū̃n. in sabhīko bahut duḥkh hai. gurudev us vakta kuch bole nahīṁ. sun liyā. us din māhol aisā ho gayā thā ki mānoṁ gurudev hai. svapna to utanā hī thā. gurudev devake rūpameṁ padhāre.
mumukṣuḥ- vastra sab devake hī pahane the.
samādhānaḥ- devake vastra, devake rūpameṁ hī the.