Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

280 sādhanā śurū hotī hai. aisā hī vastukā svarūp hai.

jis apekṣā-se vastu apariṇāmī hai aur jo pariṇāmī hai, usakī apekṣā alag hai. parantu dravya aur paryāyakā yugma sāthameṁ hī hotā hai. usameṁ-se ek bhī nikal nahīṁ sakatā. donoṁkī apekṣā alag hai. aur sādhanāmeṁ vah donoṁ sāthameṁ hī hote haiṁ. ek mukhyapane hotā hai, ek gauṇapane hotā hai.

mumukṣuḥ- donoṁ bāt use apane lakṣyameṁ rakhanī cāhiye?

samādhānaḥ- ek mukhya hotī hai. dravyadr̥ṣṭi anādi-se jīvane kī nahīṁ hai, isaliye dravyadr̥ṣṭi mukhya hai. to bhī paryāy to usake sāth hotī hai. vah dravya paryāy rahit nahīṁ hotā aur paryāyako dravyakā āśray hotā hai. aisā sambandha to dravya aur paryāyakā hotā hai. vah use sāthameṁ hotā hai. usakī dr̥ṣṭi anādi-se paryāy par hai. dr̥ṣṭi palaṭakar dravya par dr̥ṣṭi mukhya karake usake sāth paryāy gauṇ hotī hai. paryāy nikal nahīṁ jātī. paryāy sāthameṁ hotī hai. sādhanāmeṁ donoṁ sāthameṁ hote haiṁ. dravyadr̥ṣṭi mukhya aur sādhanā paryāyameṁ hotī hai. donoṁ sāthameṁ hote haiṁ.

mumukṣuḥ- chaṭhṭhī gāthāmeṁ pramatta-apramatta rahit dhruv jñāyak kahā, vah to samajhameṁ ātā hai. parantu dūsare pairegrāphameṁ kahate haiṁ ki jñeyākār avasthāmeṁ jo jñāyakapane jñāt huā vah svarūp prakāśanakī avasthāmeṁ bhī kartā-karmakā ananyapanā hone-se jñāyak hī hai. to yahān̐ dhruv jñāyakakī bāt calatī hai, phir bhī dūsare pairegrāphameṁ avasthākī bāt kyoṁ lī? kyā avasthā samajhānī hai yā trikālī jñāyak samajhānā hai? isameṁ pahale aur dūsare pairegrāphakā jñāyak ek hī hai yā bhinna-bhinna hai?

samādhānaḥ- jñāyak ek hī hai. ācāryadevako jñāyak hī sābit karanā hai. jñāyak jo anādi-se jñāyak hai, vah anādikā jñāyak hai. vibhāv avasthāmeṁ jo jñāyak hai aur pramatta-apramatta avasthāmeṁ jo jñāyak hai, vahī jñāyak, svarūp prakāśanakī avasthāmeṁ vahī jñāyak hai.

ācāryadev kahate haiṁ ki anādi-se jo vibhāvakī paryāy hai, usameṁ anādi-se vah jñāyak hī rahā hai. jñāyakapanā usakā badalā nahīṁ. svataḥsiddha jñāyak hai. vah jñāyak hī rahā hai. pramatta-apramattakī jo usakī cāritrakī daśā hai, vah cāritrakī jo daśā hai, usameṁ bhī vah jñāyak hī rahā hai. cāritrameṁ jo chaṭhaveṁ-sātaveṁ guṇasthānameṁṁ muni jhulate haiṁ, kṣaṇameṁ svānubhūti aur kṣaṇameṁ bāhar āte haiṁ, aisī paryāyoṁkī jo sādhanākī daśā hai, jo munikī cāritrakī daśā hai, usameṁ bhī jñāyak to dravyarūp, dravya jñāyakarūp hī rahā hai. vah dravya rahā hai.

usameṁ to jñāyak aśuddha nahīṁ huā hai. anādi-se aśuddha nahīṁ huā hai. jñānakī

< Previous Page Next Page >