320 svayaṁ caitanya taraph aisī dr̥ṣṭi kare, apanā sahaj astitva grahaṇ kare, aisā puruṣārtha kare to ho. use grahaṇ karake bhī use bāraṁbār, kṣaṇ-kṣaṇameṁ bhedajñānakī dhārā puruṣārtha-se pragaṭ kare to ho. pratīt-se nirṇay kare ki yah jñānasvabhāv hai vahī maiṁ hū̃n. phir usakā bāraṁbār bhedajñān karake ugratā karake bhinna paḍe to apane-se ho aisā hai.
gurudevane to bahut batāyā hai. kisī bhī jagah aṭake binā, pūrṇarūp-se, kahīṁ bhī ruci na rahe, ek ātmāmeṁ hī ruci sarva prakār-se rahe to hotā hai. har jagah-se ruci chūṭ jāya. kahīṁ ras na rahe, har jagah-se ruci chūṭ jāya. ek caitanya taraph hī ruci, caitanya hī grahaṇ ho, caitanya hī ādaraṇīy rakhe, kahīṁ ruke nahīṁ, kahīṁ use ruci lage nahīṁ, sarvāṁg sarva prakār-se ruci chūṭ jāy aur caitanyakī hī ruci lage to ho. phir vibhāvameṁ khaḍā ho, parantu use sab ruci chūṭ jātī hai.