322 nahīṁ hai, lekin usakā dhyey barābar rakhanā. ho sake to dhyānamay pratikramaṇ karanā aur na ho sake to śraddhā to avaśya karanā. ācāryadevane kahā hai. ho sake to tū darśan-jñān-cāritrarup pariṇaman karake kevalajñānakī prāpti karanā. dhyānamay pratikramaṇa. dhyānameṁ aisī ugratā karanā ki svarupameṁ līn hokar bāhar na āye aisī ugratā karanā. lekin us prakārakā dhyānamay pratikramaṇ na ho sake to śraddhā to barābar karanā ki mārga to yahī hai. na ho sake to thak kar dūsare, tīsare kahīṁ thoḍā karake maiṁne bahut kiyā, thoḍe śubhabhāv karake maiṁne bahut kiyā aisā saṁtoṣ mat mān lenā. saṁtuṣṭa mat ho jānā. (saṁtuṣya ho gayā to) tujhe āge jānekā avakāś nahīṁ rahegā. lekin tūṁ aisī bhāvanā rakhanā ki mārga to yahī hai. saṁtoṣ to aṁdar ātmāmeṁ-se saṁtoṣ āye aur tr̥pti āye vahī yathārtha hai. vah na ho tabatak usakī śraddhā barābar rakhanā ki mārga to yahī hai. phir dhīre-dhīre calenā ho yā jaldī cale usameṁ koī dikkat nahīṁ hai. lekin mārga to yathārtha grahaṇ karanā. ācāryadev aisā kahate haiṁ, gurudev aisā kahate the.
mumukṣuḥ- tr̥pti huī, yah kaise mālūm paḍe?
samādhānaḥ- vah apane āpako jān sakatā hai, apanī ruci aur jijñāsāse. gurudevane jo mārga batāyā hai, us mārgako aṁdar gaharāī-se vicār karake mārga yahī hai, aisā svayaṁ nirṇay karake vah jān sakatā hai ki karanā yahī hai. is jñānasvabhāvako hī grahaṇ karanā hai. dūsarā kuch grahaṇ nahīṁ karanā hai. vah svayaṁ apanī śraddhā aur pratītase apaneāpako pahacān sakatā hai, apanī pariṇatiko.
itanā karate haiṁ aur kuch hotā nahīṁ, aise thakakar tū usase pīche mat haṭanā, thakanā nahīṁ. tere utsāhako manda mat karanā. utsāh to aisā hī rakhanā ki sabakuch ātmāmeṁ hī hai, kahīṁ aur nahīṁ hai. maiṁ kar nahī sakatā hū̃n. utsāh to barābar rakhanā. na ban pāye to dhīre calanā ho, der lage usameṁ koī dikkat nahīṁ hai. lekin mārga dūsarā koī pakaḍ le ki thoḍī kriyā karake dharma mānā, śubhabhāv thoḍā jyādā huā to dharma ho gayā, aisā tū mat mān lenā.
śuddhātmā meṁ hīṁ dharma hai. nirvikalpa svarup hī ātmā hai aur śuddhātmāmeṁ hī sab kuch bharā hai, aisī śraddhā to barābar rakhanā. bhedajñān hī usakā upāy hai. ātmāke jo dravya-guṇ-paryāy yathārtha hai, us dravya par dr̥ṣṭi karanā aur jñān sabakā karanā, aṁdar pariṇati karanī, vah śraddhā barābar karanā. na ho sake to mere puruṣārthakī mandatā hai aisī tū bhāvanā rakhanā. lekin thakakar dūsare taraph muḍanā nahīṁ.
ātmāmeṁ hī sabakuch hai. samyagdarśan apūrva hai gurudevane batāyā. anaṁtakālameṁ sabakuch prāpta kiyā lekin ek samyagdarśan durlabh hai. jinavar svāmī anaṁtakālameṁ mile nahīṁ aur samyagdarśan prāpta huā nahīṁ. jinavar svāmī anek bār mile lekin svayaṁne pahacān nahīṁ karī. samyagdarśan prāpta karanekā sarvotkr̥ṣṭa nimitta jinavar svāmī hai. nimitta aur upādān donoṁ liyā. aṁdarameṁ samyagdarśan nahīṁ huā aur bāharameṁ usakā sarvotkr̥ṣṭa nimitta, use tūne barābar pahacānā nahīṁ hai. nimitta-