Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

324 jānanemeṁ ātā hai. jānanemeṁ bāharakā hī jānatā hai. bākī jo aṁdar rahā vah kyā rahā?

samādhānaḥ- aṁdar tattva hī jānanevālā hai, tattva hī jānanevālā hai. bāharakā vah sab nahīṁ jānatā hai. vah to usakā kṣayopaśamabhāv, jitanī usakī śakti hai utanā hī jānatā hai. sab nahīṁ jānatā hai. jānanevālā sab kahān̐ jānatā hai? usakī jānanekī to ananta śakti hai. lekin sab jānatā nahīṁ. vah to alpa jānatā hai. vah to indriyoṁkā āśray lekar, manakā āśray lekar alpa jānatā hai. jānatā hai vah sthūl jānatā hai. vah kahīṁ sūkṣma nahīṁ jānatā.

jānatā hai vah kram-kramase jānatā hai. ekasāth kuch nahīṁ jānatā. jānanevālekā jo mūl svabhāv hai, vah mūl svabhāvarup kuch nahīṁ jānatā. jānatā hai vah mātra sthūl jānatā hai. lekin vah jānanevālā tattva hai us jānanevālene sab nahīṁ jānā. jānanevālā jo tattva hai usako usane nahīṁ jānā. jānanevālā sab jānatā hai. vah jānanevālā anaṁt jānatā hai aisā usakā svabhāv hai.

jo jānanevālā svayaṁko jānatā hai, jo jānanevālā parako jānatā hai, aisā usakā sab jānanekā (svabhāv hai). sabase dūr rahakar, usake kṣetrameṁ gaye binā svayaṁ apane kṣetrameṁ rahakar, cāhe jitanā usase dūr ho, lākh-karoḍ gām̐v dūr ho, to bhī dūr rahakar sab jāne aisā usakā svabhāv hai. aisā vah jānanevālā tattva hai. jise ān̐khakī jarurat paḍatī nahīṁ, jise manakī jarurat nahīṁ paḍatī, jise kānakī jarūrat nahīṁ paḍatī, koī padārthakī jise jarurat nahīṁ paḍatī ki ān̐khase dekhe, kānase sune, isaliye vah jāne athavā manase vicār kare to jāne, aise koī āśrayakī jisako jarurat nahīṁ hai, lekin vah svayaṁ hajāroṁ gām̐v dūr ho to bhī usako jān sake. aisā jānanevālā tattva aṁdar hai ki vah svayaṁ jāne, apane jñān svabhāvase jāne. aur vah dūsareko jāne itanā hī nahīṁ, vah svayaṁ apaneko jāne. apane anaṁte guṇako jāne, khudakī anaṁtī paryāyako jāne. anaṁtakālameṁ kaisī paryāy huyī aur kis tarah dravya pariṇaman karake bhaviṣyameṁ kaise pariṇaman karegā, vah sab jāne. aisā jānanevālā tattva hai. jānanā arthāt aisā jānanekā jisakā svabhāv hai, vah jānanevālā tattva hai.

mumukṣuḥ- jo mūl tattvako jānanevālā hai.

samādhānaḥ- vah mūl tattvako jānanevālā tattva hai.

mumukṣuḥ- jñānasvabhāva.

samādhānaḥ- jñānasvabhāva. vah jñān svabhāv hai. ye to usako lakṣaṇakī pahacān hotī hai ki itanā jo jānatā hai, jo parake āśrayase jānatā hai vah jānanevālā aisā tattva hai ki svayaṁ jāne. ān̐khase jāne, kānane sune yā manase vicār kare aisā jo jānatā hai, vah jānanevālā tattva aisā hai ki svayaṁ jāne. kisīke āśray binā jāne. kisīke āśrayase jāne vah usakā svataḥ svabhāv nahīṁ hai. usakā svataḥ svabhāv to aisā ho ki jo apanese jāne. jise kisīke āśrayakī jarurat na paḍe vaise jāne. aisā usakā jñānasvabhāv hai. apane-se jāne. jo jñānarup apane-se pariṇame. jo ānaṁdarup apane-se pariṇame. jise kisīke āśrayakī jarurat na paḍe. aisā usakā svabhāv hai. aisī

< Previous Page Next Page >