mumukṣhuḥ- koī pahalū bākī na rahe, samajhāneke liye.
samādhānaḥ- sabhī pahalūon̐-se samajhāyā hai. sharīr-se bhinna, vikalpon-se, shubhāshubh- se bhinna, andar kṣhaṇik paryāyommen bhī tū aṭakanā mata. tū shāshvat chaitanya (hai) use tū grahaṇ kara. bīchamen shubhabhāv āye lekin vah terā svarūp nahīn hai. tū koī guṇoṅke bhed yā koī bhedamen aṭakanā mata. bhale teremen ananta guṇ hain, parantu tū koī bhedamen aṭakanā mata. akhaṇḍa chaitanya par dr̥uṣhṭi kara. sab gnānamen grahaṇ kar (-jān), parantu tū ek akhaṇḍa chaitanyako grahaṇ kara. chāron or-se samajhāyā hai.
... jānanevālā hai. sab vikalpake bīch jo jānanevālā hai vah main hū̃n. usakā bhedagnānakā prayatna karanā. ye sab vikalpa, koī bhī vikalpa ho, vikalpake bīch main ek jānanevālā gnāyak ek chaitanya tattva hūn̐, shāshvat ek ātmā hū̃n. use pahachānanekā prayatna kara. upayog bāhar jāy to dev-guru-shāstrakī mahimā, jinendra dev, gurune kyā kahā hai, koī apūrva mārga batāyā, shāstramen kyā kahanā hai? aur antaramen jāy to ek ātmā. ātmāke dhyeyapūrvak sab honā chāhiye.
chāhe jaise ūn̐che shubhabhāv ho, parantu shubhabhāv bhī ātmākā svarūp nahīn hai. bīchamen shubhabhāv āte hain, parantu vah svarūp-ātmā usase bhinna hai. siddha bhagavān jaise nirvikalpa tattva hai, vaisā hī ātmā nirvikalpa tattva hai, use pahachānanekā prayatta kara. usakī lagan, mahimā, usakā vichār, usakā vāñchan sab karanā. usakā bhedagnān kaise ho? chaitanya akhaṇḍa tattva hai, use grahaṇ karanā, use grahaṇ karanekā prayatna karanā aur parake sāth jo ekatvabuddhi ho rahī hai, vibhāvake sāth, us vibhāvase kaise bhinna paḍe aur ātmā grahaṇ kaise ho, yah karane jaisā hai.
ātmākā astitva kaise grahaṇ ho? aur ye vibhāvase vibhakta-bhinna kaise paḍe? yah karaneke liye vichār, vāñchan ādi sab karanā hai. ananta janma-maraṇ kiye lekin bāhar kahīn-kahīn kriyāommen isase dharma hogā, isase dharma hogā (aisā mānā). dharma antaramen rahā hai. antar ātmāko pahachāne usīmenn dharma hai. dharma ātmākā svabhāv hai, vah svabhāv kaise pahachānamen āye?