304
samādhānaḥ- sachchā prayatna nahīn hotā hai. prayatna, manda-manda prayatna ho usamen pahachān nahīn hotī. usakī ruchi honī mushkil hai. usakī ruchi kare, mahimā kare ki ātmā koī apūrva chīj hai. jagatakī koī vastu anupam nahīn hai. sabase anupam ho to ātmā hī hai. aisī ātmākī anupam mahimā laganī chāhiye ki merā ātmā bhinna hai aur yah sab bhinna hai. usakī mahimā lage. phir usakā prayatna kare.
ruchike sāth prayatna hotā hai. ruchike binā prayatna hotā hī nahī̃n. samyagdarshan ho, andar ātmākī pahachān ho, usīko sachchā munipanā ātā hai. bāhar-se chhoḍ de vah sachchā munipanā nahīn ātā. sachchī sāmāyik, sachchā tap antaramen pragaṭe to hī usake sāth sab shubhabhāv hote haiaĩn. to hī puṇya bandha hotā hai. bākī antaramen sachchā tap ādi sab antaramen hotā hai.
mumukṣhuḥ- ... samajhamen nahīn ātā.
samādhānaḥ- visheṣh samajhanekā prayatna karanā chāhiye. koī samajhatā ho usakā kisīkā parichay karake visheṣh samajhanekā prayatna karanā chāhiye. shāstramen jo ātā hai usakā rahasya kyā hai, vah sab andaramen svayam ātmāke sāth samajhakar vichār karanā chāhiye. ātmākā kyā svabhāv hai, shāstramen kyā ātā hai, gurune kyā kahā hai, vah mārga samajhanekā prayatna karanā chāhiye.
pahale sachcha samajh kare to phir āge baḍhe. jo mārga nahīn samajhatā hai, vah āge nahīn baḍh sakatā hai. samajhe binā kahān̐ ḍag bharegā? dhyey ho ki bhāvanagar jānā hai to usakā rāstā mālūm ho kadam vahān̐ chaleṅge. sachchī samajh pahale karanī chāhiye.
mumukṣhuḥ- samajh guruke alāvā nahīn āyegī na? guru rāstā batāye tab...
samādhānaḥ- guuru rāste batāye, parantu..
mumukṣhuḥ- gurukā samāgam kare to hī isamen āge baḍh sake?
samādhānaḥ- gurukā samāgam, guru to mahā prabal nimitta hai. unakā samāgam ho to visheṣh samajhanekā kāraṇ banatā hai. apaneāp samajhanā bahut duṣhkar hai. anādi kālamen ek bār koī guruke aise vachan mile to jīv taiyār hotā hai. aisā upadesh mile