310 anshakā sat hai vah svayansiddha hai. lekin dravyakā svarūp dravyake āshray-se hai.
mumukṣhuḥ- use rakhakar bāt hai.
samādhānaḥ- vah bāt rakhakar usakā svayansiddha sat is prakār samajhanā.
mumukṣhuḥ- tīnon milakar ek sat hai. ... paradravya-se bhedagnān ho. aur dravya sat, guṇ sat aur paryāy sat aisā gnān karavākar paryāyakā lakṣhya chhuḍānā hai aur guṇakī dr̥uṣhṭi karavānī hai, aisā koī prayojan hai?
samādhānaḥ- tū paradravya-se bhinna ho jā. teremen paryāy hain, tū kūṭastha nahīn hai, parantu teremen bhī paryāy haĩn. terī pariṇatiko badal, aisā kahanā hai. teremen paryāy hain, teremen guṇ haĩn. apane sva guṇ aur sva paryāyoṅkā usakā gnān hotā hai. terī pariṇati palaṭan svabhāvī hai. tū aisā nahīn hai ki kūṭastha hai. akelā kūṭastha hai aur usamen kuchh hai hī nahīn, sarva apekṣhā-se kūṭastha hai aisā nahīn hai. teremen pariṇati-paryāy bhī hai aur vah paryāy satarūp hai. teremen ananta guṇ haĩn. aise dravya sat, guṇ sat, paryāy sat sabakā gnān kara.
.. dr̥uṣhṭi to abhed karanī hai, parantu yah sab gnān karanā hai. terā dravya akhaṇḍa kaisā hai, usakā gnān kara. paryāyadr̥uṣhṭi chhuḍākar... dr̥uṣhṭi apanī or jātī hai to paryāy apanī or muḍatī hai.
mumukṣhuḥ- ..
samādhānaḥ- dravyakā lakṣhya hotā hai isaliye paryāy svayam palaṭatī hai. koī dravya kūṭastha mānate ho, dravyamen guṇ nahīn hai, aisā mānate ho. usamen akhaṇḍa anekānta svarūp ā jātā hai. teremen guṇ ananta hain, teremen paryāy haĩn. sabakā gnān kara. paryāy na ho to sādhak dashā bhī na ho. to sādhak dashā paryāy hai. guṇoṅkā vedan hotā hai. gnānakā gnānarūp, chāritrakā chāritrarūp, ānandakā ānandarūpa. vah sab vedan hotā hai. isaliye teremen guṇ hain, teremen paryāy haĩn. aur vah sab svadravya hai. vah sab gnān karaneke liye hai. aur usamen pariṇati, us rūp apane puruṣhārthakī pariṇati bhī us anusār hotī hai.
dr̥uṣhṭi aur gnān yathārtha na ho to usakā puruṣhārtha bhī yathārtha nahīn hotā. dravya par akhaṇḍa dr̥uṣhṭi kar, parantu ye guṇ aur paryāyake bhedamen rukanā nahīn hai, parantu usakā gnān kara. tujhe chāritrakī paryāy pragaṭ ho, vah bhī paryāy hai, tujhe gnān pragaṭ ho, vah bhī ek paryāy hai. lekin vah sab teremen guṇ haĩn.
mumukṣhuḥ- ek akhaṇḍa vastumen aise ananta guṇ..
samādhānaḥ- paryāyarūp sat bhī tere dravyamen sab bharā hai. usakā gnān kara. yathārtha shraddhā ho, svānubhūti ho. to bhī chāritradashā abhī bākī rahatī hai. isaliye aise guṇake