mukhyatāpūrvakakā kramabaddha hai. jisake lakṣhyamen puruṣhārtha nahīn hai, vah āge nahīn baḍh sakatā. kramabaddha bhale sāthamen ho, parantu jisake lakṣhyamen puruṣhārtha nahīn hai (vah āge nahīn baḍh sakatā). kramabaddha puruṣhārthake sāth juḍā hai.
mumukṣhuḥ- paryāy shuddha ho jātī hai? kramabaddhake sāth puruṣhārtha āye to paryāy shuddha ho jātī hai?
samādhānaḥ- puruṣhārtha utpanna ho, isaliye usakā kramabaddha ho jātā hai. puruṣhārtha apanī or-gnāyak or kare to kramabaddha jaisā hai vaisā ho jātā hai. usakī dr̥uṣhṭi puruṣhārtha par honī chāhiye, usakā lakṣhya puruṣhārtha par honā chāhiye. use khaṭak rahanī chāhiye ki merī mandatā hai, main āge nahīn baḍh pātā hū̃n. yadi aisā usake khyālamen rahe ki kramabaddhamen jaisā honevālā hogā vah hogā, main kyā karun̐? honevālā hogā, honevālā hogā, aisā karatā rahe to use honevālā hogā, aisā hī rahegā. parantu jisakī bhāvanāmen khaṭak rahe to hī usakā kramabaddha puruṣhārthake sāth juḍā hai. aisā kramabaddha aur puruṣhārthakā sambandha hai. svabhāv, kāl, puruṣhārtha ādi sab juḍe haĩn.
mumukṣhuḥ- pān̐chon samavāyakā mel hai. usamen puruṣhārthakī mukhyatā hai.
samādhānaḥ- usamen puruṣhārthakī mukhyatā (hai). sādhakako, ruchivāleko sabako puruṣhārtha- or, apanī or, apanī bhūl taraph usakī dr̥uṣhṭi rahanī chāhiye ki merī kṣhati hai. kramabaddha aur karmakā uday (lekar) jo apanī kṣhati nahīn ginatā hai, usako dhīrāpan aur kachās rahegī hī. jo apanī kṣhatikī or jātā hai, phir bhale kar nahīn sakatā, parantu apanī kṣhatikī or hī usakī dr̥uṣhṭi rahatī hai, vahī āge baḍhatā hai. aisā puruṣhārtha aur kramabaddhakā sambandha hai.
mumukṣhuḥ- kṣhati hai, usamen koī aisā kahe ki isamen to doṣh par dr̥uṣhṭi rahatī hai.
samādhānaḥ- doṣh par dr̥uṣhṭi,.. guṇ par dr̥uṣhṭi gayī, parantu jo sādhak dashā hai, usakī bhāvanāmen sab ātā hai ki main paripūrṇa chaitanyasvarūp gnāyak hū̃n. parantu merī nyūnatā hai. nyūnatākī or use vichār āye binā nahīn rahate. bhāvanā hue binā nahīn rahatī. kaise ye sab vibhāv chhūṭe, main svabhāvamen rahū̃n. vibhāv chhūṭe, puruṣhārtha karun̐ aisī bhāvanā hī na ho, aisā nahīn hotā. donon prakārakī bhāvanā to hotī hai. use doṣhase kaise chhūṭe? aur main svabhāv taraph dr̥uṣhṭi karun̐, līn hoūn̐ to chhūṭegā, aisā samajhatā hai. merī līnatākī kṣhati hai. isaliye yah kṣhati hai. mere guṇ pragaṭ ho to doṣh ṭale. aisā vah barābar samajhatā hai. parantu bhāvanā to sab prakārakī ātī hai.
merī kṣhati hai, merā doṣh hai, main līnatā karun̐ to ho. aisī bhāvanā to ātī hai. ye rāg kaise chhūṭe? yah kaise chhūṭe? chāritra dashā kaise āye? kab vītarāg hoūn̐? aisī