236
bhinna haĩn. vah sab svatantra hain aur ek or kahen ki dravyake āshray-se hai. dravyakā āshray na ho to ananta kālamen jo-jo use banā hai, vah sab kahān̐-se (ātā hai)? andar use sphūraṇāmen ātā hai. andar sanskār hai. paryāy chalī gayī hai to bhī.
mumukṣhuḥ- sanskār rah jāte haĩn.
samādhānaḥ- sanskār rah jāte haĩn. us paryāyane kām kiyā, is paryāyako koī bhī mel nahīn hai, use koī mel nahīn hai. to phir dravya bilakūl bhinna ho gayā. to svayam jo muktikā mārga pragaṭ karatā hai, yah vibhāv merā nahīn hai, svabhāv pragaṭ karo, ek paryāyako dūsarī paryāyake sāth mel hī nahīn hai to phir karanā kahān̐ rahatā hai? kuchh nahīn rahā. ṭūkaḍe ho gaye. bīchamen ek nitya shāshvat dravya hai. paryāy palaṭ jātī hai. dravya hai. sarva apekṣhākā mel karake sādhanā karane jaisī hai. kab, kahān̐, kisakā vajan dekar karanā hai (vah samajhanā chāhiye).
mumukṣhuḥ- .. aur kathañchit usakī svatantratā dravyase..
samādhānaḥ- vah bhī hai. kathañchit svatantratā hai aur usake āshrayase hotī hai vah bhī hai. donon apekṣhā (samajhanī).
mumukṣhuḥ- ... aur parakā dravya svatantra hai, un donommen kathañchit.. jis apekṣhā- se dravyakā āshray hai, us apekṣhā-se dravyakā āshray hai hī aur jis apekṣhā-se paryāy dravya-se svatantra hai, us apekṣhā-se paryāy svatantra hai, aisā lenā hai?
samādhānaḥ- dravyakā āshray hai. paryāyako dravyakā āshray bhī hai, vah apekṣhā bhī hai. aur kathañchit svatantra hai, vah apekṣhā bhī hai. pratyek paryāy svatantra pariṇamatī hai. paraspar ekadūsareke āshray-se pariṇamatī hai, aisā nahīn hai. svatantra pariṇamatī hai. parantu dravyake āshray-se pariṇamatī hai, aisī apekṣhā bhī hai. bilakūl sarvathā svatantra ho to jitanī paryāy, utane dravya ho jāya. bilakūl svatantra (ho to) jitanī paryāy, utane dravya ban jāya.
dravya hai vah trikāl hai, shāshvat hai. shaktion-se bharapūr dravya hai. paryāy to ek kṣhaṇake liye hai. jis kṣhaṇ pariṇamit hokar āye, utanā hai usamẽn. ek kṣhaṇ paryāy pariṇame, usase to ananta shakti-se bharapūr dravya hai. vibhāv paryāy alag bāt hai, svabhāv paryāyamen to ananta shakti-se bharapūr svabhāvaparyāy to usamen ananta jo āye, usase atirikta dravyamen ananta bharā hai. paryāyakī shakti to amuk hai aur dravya to ananta shaktion- se bharapūr hai. ... aise paryāyake ṣhaṭakārak amuk apekṣhāse hai. bākī jaisā svatantra dravya hai, aisī paryāy (svatantra nahīn hai). paryāyako to dravyakā āshray hai, vah apekṣhā to sāthamen hai.