Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

237

323

pariṇati bārambār muḍatī rahe, abhyās rūp-se, yathārtha to bādamen hotā hai.

mumukṣhuḥ- pratyek vichārakā bahāv gnāyak-or hī hotā hai.

samādhānaḥ- gnāyak taraphakā hī hotā hai. gnāyakakī siddhi kaise ho? gnāyakakī prasiddhi kaise ho? us or hī (prayatna rahatā hai).

mumukṣhuḥ- pragnāchhainī arthāt bhedagnān karanā?

samādhānaḥ- hā̃n. bhedagnān karanā. pragnā-se chaitanyako grahaṇ karanā aur pragnā-se bhinna karanā. vibhāv-se bhinna aur svabhāvakā grahaṇ karanā. ekatva aur vibhakta. par- se vibhakta, vibhāv-se vibhakta aur svabhāvamen ekatva.

mumukṣhuḥ- par-se vibhakta aisā chintavan kare to bhī usakā sva taraph jānekā prayatna hai.

samādhānaḥ- par-se vibhakta chintavan kare, yathārthapane vibhakta chintave to usamen svakī ekatvatā ā jātī hai. lekin sva-taraphakā, astitva taraphake grahaṇakā lakṣhya nahīn hai, aur bāhar yah sab anitya hai, yah sab duḥkharūp hai, aisā karatā rahe (aur) apane astitvakā grahaṇ nahīn hai to vah vibhaktapanā bhī yathārtha nahīn hai. ekatva astitva grahaṇ kiye binākā vibhaktapanā yathārtha nahīn hai.

mumukṣhuḥ- ekatva-vibhakta kahanemen ātā hai, lekin shurūāt ekatva-se hī hotī hai.

samādhānaḥ- shurūāt ekatva-se hī hotī hai.

mumukṣhuḥ- usamen vibhakta ā jātā hai.

samādhānaḥ- usamen vibhakta ā jātā hai.

mumukṣhuḥ- ek dravya-se dūsare dravyakī bhinnatā, ye to gurudevake aur āpake pratāp- se thoḍā-thoḍā mumukṣhuoṅko khyālamen ātā hai ki yah dravya bhinna aur yah dravya bhinna hai. parantu dravya-guṇ aur paryāy, usamen kis prakār bhinnatā karake anubhav karanā, is viṣhayamen hamen mārgadarshan dījiye.

samādhānaḥ- ek dravya aur dūsarā dravya atyant bhinna hain, unhen pradeshabhed hai. vah to bhinna hai. vibhāv apanā svabhāv nahīn hai. shāstramen bhedagnān karanekā ātā hai, vibhāv- se vibhakta ho. guṇ-paryāyase bhedagnān karanekā nahīn ātā hai. bhedagnān to vibhāv-se karanā hai. guṇ aur paryāyake lakṣhaṇ pahachānakar aur ātmāmen ananta guṇ aur paryāy kyā hai, usakā gnān karake, usake bhedamen aṭakanā nahī̃n. usake bhed vikalpamen nahīn rukakar, ek akhaṇḍa chaitanya par dr̥uṣhṭi rakhane-se usamen jo usake ananta guṇ aur shuddha paryāy hai, vah pragaṭ hotī hai.

usakā-guṇ-paryāyakā-bhedagnān nahīn karanā hai, apitu usakā gnān karanā hai ki ananta guṇ ātmāmen (hain). ātmā ananta guṇon̐-se gun̐thā huā abhed tattva hai. usamen

< Previous Page Next Page >