238
ho to... usake pahale jo gnān hai, use yathārtha nām nahīn de sakate. samyagdarshan ho tab us gnānako yathārtha kahate haĩn. usake pahale vyavahār bīchamen ātā hai. jānaneke liye gnān ātā hai, parantu pratīti yathārtha ho, tabhī gnānako samyakagnān nām kahanemen ātā hai.
mumukṣhuḥ- sarva guṇoṅkī shuddhi hotī hī jātī hai. shuddhikī vr̥uddhi hotī jātī hai. aisī bāt āye, vah kaise hotī hai?
samādhānaḥ- kevalagnān honeke bād nahī̃n. kevalagnān to pūrṇa ho gayā.
mumukṣhuḥ- gnānaguṇ to hotā hai. āj jaisā guṇ hai, usase kal jyādā ho.
samādhānaḥ- kevalagnānamen aisā nahīn hotā. vah to sādhak dashāmen hai. samyagdarshan honeke bād shuddhikī vr̥uddhi hotī hai. usakī bhūmikā baḍhatī jāya. use chaturtha guṇasthān ho, phir pān̐chavā hotā hai, līnatā baḍhatī jāy, aise-aise gnān, darshan, chāritrakī nirmalatā, ananta guṇoṅkī nirmalatā baḍhatī jātī hai. samyagdarshan-yathārtha dr̥uṣhṭi huyī isaliye usamen jab chāritra pragaṭ hotā hai, phir sarva guṇoṅkī shuddhi hotī hai. samyagdarshan-se hī shuddhi hotī hai.
sarvaguṇānsh so samyagdarshana. use shuddhi huyī. phir visheṣh āge baḍhatā hai to chāritra dashā ātī hai. pān̐chavī bhūmikā, chhaṭhṭhī-sātavīn munidashā āye. isaliye usakī adhik shuddhi huyī. use vītarāg dashākī prāpti (huyī). pūrṇa vītarāg nahīn hai, vītarāgatākī vr̥uddhi huyī. phir mohakā, rāgakā kṣhay hokar antar vītarāg dashā pūrṇa vītarāg ho, tab use sampūrṇa hotā hai. kevalagnān hotā hai. vītarāg hotā hai isaliye kevalagnān hotā hai. kevalagnān hotā hai, isaliye sarva guṇ sampūrṇarūpase pragaṭ ho gaye. phir samay-samayamen usakī jo pariṇati hotī hai, us pariṇatimen vr̥uddhi-vr̥uddhi hotī hai, aisā nahī̃n.
mumukṣhuḥ- kevalagnān hone par sarva guṇ khīl gaye na?
samādhānaḥ- kevalagnān hotā hai to sarva guṇ paripūrṇa ho gaye. phir jo pariṇaman hotā hai, vah ekake bād ek, ananta guṇ svayam shuddhirūp pariṇamate hī rahate haĩn. vītarāgarūp pariṇamate rahate haĩn. usakā svabhāv aisā hai ki pāriṇāmik svabhāv hai. isaliye vah ananta kāl paryant pariṇamatā rahatā hai ānandarūp, gnānarūp, parantu usakā nāsh nahīn hotā hai yā kam nahīn ho jātā. vah pariṇamatā rahatā hai, ekarūp pariṇamatā rahatā hai. usamen tāratamyatā agurulaghu svabhāvake kāraṇ ho, parantu vah ekarūp hai. usamen va- vr̥uddhi nahīn kahate. kevalagnān huā isaliye pūrṇa ho gayā.
mumukṣhuḥ- to phir use agurulaghukī dr̥uṣhṭi-se kaise kahate hain?
samādhānaḥ- use vr̥uddhi nahīn hotī. vah to ekarūp pariṇamatā hai. tāratamyatā (hotī hai). vah to pāriṇāmikabhāv hai. usakī vr̥uddhi-hāni to usakā svabhāv hai. jaise hīrāmen