332 nahīn hai. usakā vedan chaitanyamen hotā hai, usakī svānubhūtikā vedan hotā hai, usakī vītarāg dashākā vedan hotā hai. isaliye us vibhāv-se (jaise) bhinna paḍanā hai, vaise isase bhinna nahīn paḍanā hai. is apekṣhā-se kahā thā.
mumukṣhuḥ- rāg hai vah bhinna hokar chalā jātā hai aur isakī andaramen adhik- adhik vr̥uddhi hotī hai.
samādhānaḥ- vr̥uddhi hotī hai. andar chaitanyamen shuddhātmāmen paryāy pragaṭ hotī hai. parantu us par dr̥uṣhṭi dene-se yā usakā āshray karane-se vah pragaṭ nahīn hotā. āshray dravyakā le to hī vah shuddhātmākī paryāy pragaṭ hotī hai. isaliye dr̥uṣhṭi to ek pūrṇa par hī rakhanī hai. paryāy par yā guṇ par yā usamen rukanā, us par dr̥uṣhṭi nahīn rakhanī hai. parantu gnānamen rakhanā hai ki ye paryāy chaitanyake āshray-se pragaṭ hotī hai. vah kahīn jaḍakī hai aisā (nahīn hai). gnān yathārtha karanā. dr̥uṣhṭi pūrṇa par rakhanī, parantu gnān yathārtha ho to usakī sādhakadashākī paryāy yathārthapane pragaṭ hotī hai.
gnān bhī vaisā hī ho sarva apekṣhā-se, usakī dr̥uṣhṭimen aisā hī ho ki main pūrṇa hī hūn̐, ab kuchh karanā nahīn hai, to usamen bhūl paḍatī hai. dr̥uṣhṭi pūrṇa par hotī hai, dravya par, parantu gnānamen aisā hotā hai ki merī paryāy abhī adhūrī hai. vah sab gnānamen ho to sādhak dashā pragaṭ hotī hai. nahīn to usakī dr̥uṣhṭi jūṭhī hotī hai. sarva apekṣhā- se pūrṇa hī hūn̐ aur rāg evan apūrṇa paryāy, vah rāg to mujh-se bhinna hai, parantu hotā hai chaitanyakī puruṣhārthakī kamajorī-se. vah sab khyālamen rakhe to puruṣhārtha uṭhatā hai. usamen ānanda dashā, vītarāg dashā sab pragaṭ hotā hai. pahale dr̥uṣhṭikī apekṣhā-se do bhāg hote haĩn. gnān usakā vivek karatā hai. gurudevane anek prakār-se samajhāyā hai. gurudevane param upakār kiyā hai. sab apekṣhāen̐ gurudevane samajhāyī haĩn.
mumukṣhuḥ- dūsarā prashnaḥ- ātmā gnānasvarūp hai aur usakā lakṣhaṇ gnāna. tathā ātmā anubhūtimātra hai. usamen to mātra vedanarūp lakṣhaṇase pahachān karavāyī hai. to pahachān karaneke liye kaun-sī paddhati saral hai?
samādhānaḥ- anubhūti lakṣhaṇ yānī usamen gnān lakṣhaṇ kahanā chāhate haĩn. anubhūti arthāt vedanakī apekṣhā yahān̐ nahīn hai. vah to gnān lakṣhaṇ hai. gnān lakṣhaṇ hai vah asādhāraṇ hai. gnān lakṣhaṇ-se hī pahachān hotī hai. anubhūti arthāt gnān lakṣhaṇ kahanā chāhate haĩn. gnān lakṣhaṇ-se hī usakī pahachān hotī hai. gnān lakṣhaṇ usakā aisā asādhāraṇ lakṣhaṇ hai ki usase chaitanyakī pahachān hotī hai. isaliye anubhūtimen vedan apekṣhā nahīn lenī hai. vedan to vartamānamen usakī dr̥uṣhṭi vibhāv taraph hai. vahān̐-se sva-or muḍanā. gnān lakṣhaṇ-se pahachān hotī hai.