240
hai, parantu sākṣhīrūp pariṇaman jo honā chāhiye, vah pariṇaman nahīn hai aur rāg-dveṣhake sāth ekatvabuddhi hai. main rāgarūp ho gayā, dveṣharūp ho gayā. aisī pariṇati aur aisī mānyatā, aisī ekatvabuddhi ho gayī hai. pariṇati palaṭakar main gnāyak anādiananta shāshvat hū̃n. aisī pratīt aur aisī pariṇati antaramen honī chāhiye ki main sākṣhī hī hūn̐, gnāyak hī hū̃n. gnātārūp pariṇati pragaṭ kare aur vah pariṇati pragaṭ karanekā abhyās kare, vah jabatak sahaj na ho jāy tabataka. sahaj ho, tab usakā vāstavik sākṣhīpanā hotā hai. sahaj dashā ho to sākṣhī ho. pahale usakā prayatna kare ki main anādiananta shāshvat gnāyak hū̃n. kisīke sāth ekatvabuddhi, ekamek honā usakā svabhāv nahīn hai, parantu ekatvabuddhi mānyatāmen bhram ho gayā hai. pariṇati ekatva ho gayī hai, use bhinna karake, main gnāyak hī hūn̐, pahale usakī pratīti dr̥uḍh kare ki main gnāyak hī hū̃n. antar-se samajhakar pratīti kare. gnāyakakī dhārā yadi pragaṭ ho to use kṣhaṇ-kṣhaṇamen gnāyakakī dhārā sahaj rahe to sākṣhībhāv rahe. lekin vah gnāyakadhārā rahatī nahīn, sākṣhībhāv rahatā nahīn aur rāg- dveṣhake sāth ekatvabuddhi ho jātī hai, isaliye sākṣhī nahīn rahatā. mātra kalpanā-se raṭan karake sākṣhī māne to vah rahatā nahī̃n. sahaj sākṣhīpanā ho to rahe. sahaj nahīn hai, isaliye rahatā nahī̃n.
mumukṣhuḥ- antar-se samajhakar kare to. antar-se samajhakar kare usakā artha?
samādhānaḥ- antar-se samajhakar kare (arthāt) vah pariṇati pragaṭ kare to hotā hai. svānubhūti honeke bād jo sahaj pariṇatikī dashā ho, jo sākṣhī gnāyakadhārākī, vah sahaj hai. usake pahale use abhyāsarūp hotā hai ki main gnāyak hūn̐, gnāyak hū̃n. abhyāsarūp kare. raṭanamātra kare to vah (vāstavik nahīn hai). kṣhaṇ-kṣhaṇamen jab rāg- dveṣh ho, us kṣhaṇ gnāyak yadi maujūd rahe to ekatva nahīn hotā. usī kṣhaṇ gnāyak rahatā nahīn aur dūsarī kṣhaṇamen yād kare to us kṣhaṇamen to use ekatva ho jātā hai. kṣhaṇ-kṣhaṇamen usakī pariṇatiko bhinna karanekā abhyās kare. kṣhaṇ-kṣhaṇamen main gnāyak hī hūn̐, main sākṣhī hī hūn̐, aisā abhyās kare to bhī abhī abhyāsarūp hai. sahaj to bādamen hotā hai.
mumukṣhuḥ- pahale to āpane prashnamen ek bhūl nikālī ki bāt-bātamen rāg-dveṣh ho jāte haĩn. vāstavamen to svabhāv apekṣhā-se rāg-dveṣh hote nahīn hai, parantu ekatvatā karatā hai.
samādhānaḥ- ekatvabuddhi hotī hai, ekatvatā hotī hai. vastu svabhāvamen rāg-dveṣh nahīn hote, parantu usakī ekatvabuddhi ho rahī hai. vartamānamen to, main rāgarūp ho gayā, dveṣharūp ho gayā, aise usakī pariṇati, aisī mānyatā ho gayī hai.