14 ātmā yadi lage, usamen ānanda lage to apanī taraph jāya. usakī mahimā lage. jagatamen sarvasva hove to main ātmā hī hū̃n. aisā anupam tattva, jisamen kisīk upamā lāgū nahīn hotī. aisā anupam tattva main hū̃n. bāharakī koī vastu anupam nahīn hai. mahimā nahīn āve to bhītaramen jāye kaise? bhale yathārtha mahimā to jisakī pariṇati yathārtha ho, use yathārtha mahimā hotī hai. parantu pahale usakā abhyās to ho sakatā hai. abhyās kare ki main chaitanya mahimāvant hū̃n. ye koī mahimāvant nahīn hai. aisā pahale bhī ho sakatā hai. aisā kāraṇ taiyār hotā hai, bādamen kārya ātā hai.
bhedagnānakā abhyās kare, yathārtha bhedagnān to bādamen hotā hai, parantu pahale usakā prayās hotā hai. usakī mahimā, lagan, usakā bhedagnānakā abhyās hotā hai. kṣhaṇ-kṣhaṇamen main chaitanya gnāyak hūn̐, ye sab merā nahīn hai, main chaitanya hūn̐, mere chaitanyamen sarvasva bharā hai, aisā bhedagnānakā abhyās pahale hotā hai. bhedagnān bādamen hotā hai, parantu pahale abhyās hotā hai. pahale mahimā, abhyās sab ho sakatā hai.
mumukṣhuḥ- mātājī! vichār karane-se abhyās hotā hai?
samādhānaḥ- vichār kare, vichārake sāth antaramen lagan honī chāhiye. mātra vichār- vichār nahīn, parantu chaitanyakī lagan aur chaitanyakī mahimā lage, mahimāpūrvak vichār kare to āge baḍhe. use jarūrat lage ki karane yogya to bas, ek ātmā hī hai. jagatamen to karane yogya ho to ek ātmākā svarūp hī prāpta karane yogya hai. aisī jarūrat laganī chāhiye. to jarūrat pūrvak yadi vichār kare, yathārtha samajhan kare, usakī jarūrat lage to vah vichār kare. tattva vichār sādhan hai, parantu ruchipūrvak honā chāhiye.
pratham bhūmikā vikaṭ lagatī hai, parantu apanā svabhāv hai, vah to sahaj hai. to sahajapane pragaṭ ho to gnāyakakī dhārā sahaj (ho jātī hai). phir pariṇati usake svabhāv taraph hī, sādhakakī pariṇati svabhāv taraph dauḍatī rahatī hai. usakā puruṣhārtha us or jātā hai. apanā svabhāv (hai).
pratham bhūmikāmen abhyās kare to use kaṭhin lagatā hai. bākī to apanā svabhāv hai isaliye sahaj hai aur sugam hai. jise svabhāv pragaṭ ho, use sahaj dhārā pragaṭ ho jātī hai. gnāyakakī dhārā, svānubhūti, usakī puruṣhārthakī dhārā sahajapane, sugamapane prāpta hotī hai. svabhāv hai isaliye vah durlabh nahīn hai. durlabh anādi kālamen svayam par taraph gayā hai isaliye use durlabh ho gayā hai. parantu svabhāv taraph dr̥uṣhṭi kare aur svabhāv taraph prayās kare to vah sugam aur saral hai. āchāryadev kahate hain na, tū ugratā- se chhaḥ mahine puruṣhārtha kara. phir yadi prāpta na ho (aisā nahīn hai), use prāpta hue binā rahatā hī nahī̃n. parantu svayam prayās nahīn karatā hai. prashamamūrti bhagavatī mātano jay ho!