mumukṣhuḥ- svānubhavamen chitachamatkār svarūp bhāsatā hai, isakā artha kr̥upā karake batāīye.
samādhānaḥ- sāmānya svarūp par nahīn hai, bhed-bhed par dr̥uṣhṭi hai. visheṣh yānī bhed- bhed par dr̥uṣhṭi hai, vah dr̥uṣhṭi uṭhākar sāmānyamen dr̥uṣhṭi sthāpit kar de to sāmānya par dr̥uṣhṭi karane-se chaitanya chamatkār, nirvikalpa tattva (kī) nirvikalpa svānubhūti hotī hai. isamen chitachamatkār ātmā, jo chaitanyakā chamatkār hai vah svānubhūtimen ātā hai. isakā upāy ek hī hai ki dravya par dr̥uṣhṭi karane-se chaitanya chamatkār pragaṭ hotā hai. visheṣh par jo dr̥uṣhṭi hai, vah visheṣh gauṇ hokar ātmākā sāmānya svarūp pragaṭ hotā hai.
chaitanya chamatkār nirvikalpa svarūpamen pragaṭ hotā hai. vikalpa-se ekatvabuddhi toḍakar ātmākī pratīti karane-se vikalpa chhūṭ jātā hai aur nirvikalpa svarūpamen svānubhūtimen chaitanya chamatkār pragaṭ hotā hai. nirvikalpa svānubhūti hone-se chaitanya chamatkār hotā hai. sāmānya svarūp ātmāko lakṣhyamen lene-se, usakī pratīt karane-se, usamen līnatā karane- se vah pragaṭ hotā hai. sāmānyamen pragaṭ hotā hai. bhed par dr̥uṣhṭi karane-se nahīn pragaṭ hotā hai.
mumukṣhuḥ- bhinna upāsatā huā gnāyak shuddha hotā hai, isakā kyā artha hai?
samādhānaḥ- par bhāvon-se bhinna upāsatā huā...?
mumukṣhuḥ- gnāyak shuddha..
samādhānaḥ- shuddha gnāyaka. par bhāvon-se bhinna hai ātmā. par bhāv apanā svarūp nahīn hai. par bhāv-se bhinna upāsanā, chaitanyakī upāsanā kare. chaitanyakī sevā, ārādhanā chaitanyakī kare. bārambār main chaitanya hūn̐, aisā abhyās kare. pragaṭ to yathārtha bādamen hotā hai. (pahale tat) bārambār usakī upāsanā kare. main gnāyak hū̃n. par dravya, par bhāv, guṇakā bhed, paryāyakā bhed parase dr̥uṣhṭi uṭhākar, ātmā gnāyakakī upāsanā kare. bārambār main gnāyak hūn̐, gnāyak hū̃n. gnāyakakī pariṇati pragaṭ kare.
gnāyak svarūp hai, aisā bolane mātra nahīn, raṭan mātra nahīn, parantu yathārtha pariṇati kare. isakī upāsanā kare, isakī ārādhanā kare. isamen tadrūp hove to usamen gnāyak pragaṭ hotā hai. shuddha gnāyak, main shuddhātmā gnāyak hū̃n. aise līnatā karane-se pragaṭ hotā hai. yah main nahīn hūn̐, vibhāv main nahīn hūn̐, svabhāv main gnāyak hū̃n. isakī upāsanā karanā.
mumukṣhuḥ- pratham upasham samyagdarshan kitane kāl ṭikatā hai?
samādhānaḥ- antarmuhūrta ṭikatā hai. antarmuhūrta, kitanā antarmuhūrta isakā koī māp nahīn hai. samyagdarshanakā kāl antarmuhūrta hī hotā hai. antarmuhūrta ṭikatā hai. usako khyālamen ā jātā hai. svānubhūti huyī, vah use pakaḍamen ā jātī hai. upayog bāhar-se chhūṭakar