246
samādhānaḥ- kisake sāth charchā huyī thī?
mumukṣhuḥ- varṇījīke sātha.
samādhānaḥ- hān̐, apane puruṣhārthakī mandatā-se rāgakī paryāy hotī hai. shuddhātmākī shuddha paryāy shuddhātmāke āshray-se hotī hai. aur puruṣhārthakī kamajorī-se rāgakī paryāy hotī hai. karma karavātā nahī̃n. karma jabarajastī nahīn karavātā. ātmā svayam rāgarūp pariṇamatā hai.
jaise sphaṭik harā, pīlā rūp pariṇamatā hai, vah sphaṭik pariṇamatā hai. lāl- pīle phūl usamen nahīn āte. vah to nimitta hai. pariṇaman sphaṭikakā hai. vaise pariṇaman chaitanyakā hai. aur mūl svabhāv jo sphaṭikakā hai, usakā nāsh nahīn hotā. ātmāke mūl svabhāvakā nāsh nahīn hotā hai. usake shuddha svabhāvakā nāsh nahīn hotā hai.
mumukṣhuḥ- paryāy dravyamen-se nikalatī hai to nikalate-nikalate kuchh kam nahīn hotī hai? andar-se nikalatī hai to?
samādhānaḥ- to-to dravyakā nāsh ho jāya. rāg bhītaramen nahīn hai, rāgarūp ātmā pariṇamatā hai. shuddhātmākī shuddha paryāy shuddhātmāke āshray-se hotī hai. bhītar-se nikalate- nikalate (kam ho jāy) to dravyakā nāsh ho jāya. aisā nahīn hai. dravya to ananta shakti (sampanna hai). ananta kāl dravya pariṇaman karatā hai to bhī dravya to aisākā aisā hai.
gnānakī paryāy ek samayamen lokālok jānatī hai. to bhī ananta kāl pariṇaman kare to usamen kam nahīn hotā hai. aisā koī dravyakā achintya svabhāv hai. usamen truṭ nahīn paḍatī. ananta kāl pariṇame to bhī.
samādhānaḥ- ... koī kāraṇ-se dravya utpanna huā hai yā koī kāraṇ-se usakā nāsh hotā hai, aisā nahīn hai. dravya akāraṇ svataḥsiddha anādiananta hai. aur usakā jo pariṇaman hai, vah svataḥ pariṇamatā hai. vah kisīke āshray-se pariṇamatā hai yā koī use madad kare to pariṇamatā hai, koī use viparīt kare to viparīt ho aur sulaṭā kare to sulaṭā ho, aisā nahīn hai. akāraṇ pāriṇāmik dravya-use koī kāraṇ lāgū nahīn paḍatā. vah svayam pariṇamatā hai.
svayam anādiananta svabhāvamen pariṇame usamen vibhāv andar usake svabhāvamen pravesh nahīn karatā. aisā akāraṇ svayam apane svabhāv-se pariṇamatā hai, aisā usakā svabhāv hai. aur vibhāv ho to bhī vah svayam svatantra pariṇamatā hai. aur svayam svabhāvako pragaṭ kare to bhī svatantra hai. usamen nimitta kahanemen ātā hai, parantu vāstavamen svayam pariṇamatā hai. usamen koī kāraṇ lāgū nahīn paḍatā. to hī use dravya kahā jāy ki jise koī kāraṇ lāgū nahīn paḍatā. koī nimittake āshray-se pariṇame, kisīkī madad-se pariṇame to us dravyakī dravyatā hī nahīn rahatī.