80
samādhānaḥ- .. palaṭanā to svayaṅko (paḍatā hai), pariṇati svayaṅko palaṭanī hai. apanī or ānā, svasanmukh honā, apanī or dr̥uṣhṭi karanī, apanī or gnān aur apanī or līnatā karanī, vah svayaṅko hī karanā hai, svayaṅko ho palaṭanā hai.
mumukṣhuḥ- usakā koī kram, vidhi?
samādhānaḥ- vidhi aur kram ek hī hai. usakī laganī, usakī mahimā. gurudevane jo mārga batāyā use antar-se yathārtha samajhanā, yathārtha gnān karanā. gurudevakā kyā āshay thā? svabhāv grahaṇ karanekā prayatna karanā.
mumukṣhuḥ- svarūpakī mahimā nahīn ānekā kāraṇ upayog utanā antar taraph muḍatā nahīn hogā aur par viṣhayamen ruchi hai, isaliye nahīn ātī hogī?
samādhānaḥ- ruchi par taraph jātī hai, antaramen parakī mahimā hai. apanī svakī mahimā kam hai aur dūsarekī mahimā lagatī hai. sva taraph prayatna nahīn jātā hai. pramād hai, mahimā kam hai, ruchi kam hai. use jarūrat lage to chāhe jaise bhī vah prayatna kiye binā nahīn rahatā. mujhe yah karanā hī hai (aisā ho) to svayam antaramen-se palaṭe binā rahatā hī nahī̃n. parantu utanī svayaṅkī mandatā hai isaliye palaṭatā nahīn hai.
mumukṣhuḥ- mandatāmen-se tīvratā honeke liye bhī svayam usakī ruchi baḍhāye. ruchi baḍhāneke liye kyā karanā?
samādhānaḥ- svayam hī ruchi (kare ki) svabhāvamen hī sarvasva hai, bāhar kahīn nahīn hai. jo ananta bharā hai vah svabhāvamen hai. bāhar-se kuchh nahīn ātā. bāhar lene jātā hai, lekin bāhar-se kuchh prāpta nahīn hotā. jisamen bharā hai, jisamen svabhāv bharā hai usamen-se pragaṭ hotā hai. jisamen hai usamen-se pragaṭ hotā hai. jisamen apanā astitva hai, usamen sab hai. usamen-se hī pragaṭ hogā. aisā svayam dr̥uḍh nirṇay kare. aisī dr̥uḍh pratīt kare to apanī taraph apanā puruṣhārtha jhukatā hai.
ananta kāl-se bāhar-se prāpta karaneke liye vyartha prayatna kiye, kriyāen̐ kī, sab kiyā. shāstramen ātā hai na? vrat, niyam dhāre, tap, shīl ādare parantu paramārtha-se bāhya hai isaliye svayaṅko mokṣha ... sab kiyā. munivrat dhāre, sab kiyā parantu antaramen palaṭā