Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

254

mumukṣhuḥ- .. upayog ātmākī taraph pahun̐chakar ekāgra nahīn ho sakatā.

samādhānaḥ- ruchi hove tab hove na. ruchi bāhar hove to upayog kahān̐-se lagegā? ruchi sva taraph jāy to upayog lage. ruchi badal denī. ātmā hī prāpta ho, ātmā hī prāpta ho, aisī ruchi honī chāhiye.

mumukṣhuḥ- mātājī! ham svādhyāy karate hain, vāñchan-vichār karate hain, manthan karate hain, phir bhī ātmānubhūti hotī nahīn hai. to hamen aisā koī upāy batāo ki jisase ham ātmānubhūti karake apanā ... kar le.

samādhānaḥ- vichār, vāñchan sab hoeve to bhī pariṇati bhītaramen palaṭanī chāhiye na. puruṣhārtha karake pariṇati palaṭanī. pariṇatiko palaṭānā chāhiye. vichār, vāñchan (kare). main kaun hūn̐? yah vibhāv hai. main chaitanyatattva hū̃n. merā svabhāv kyā hai? usako lakṣhaṇ- se pahachānanā chāhiye. lakṣhaṇ-se pīchhāne binā, bhītaramen-se pīchhān kiye binā vah hotā nahī̃n. bāhar-se vichār, vāñchan sab hotā hai to bhī lakṣhya to mujhe shuddhātmā kaise pragaṭ ho, aisā dhyey honā chāhiye. aisā puruṣhārtha honā chāhiye. bārambār puruṣhārtha karanā chāhiye. main chaitanya hūn̐, gnāyak hū̃n. paradravyakā kartā hotā hai, vibhāvakī kartābuddhi ṭūṭakar gnāyak- gnātākī pariṇati honī chāhiye. pariṇati to apaneko karanī hai, vah koī kar nahīn detā. anādi kāl-se paribhramaṇ huā, ekatvabuddhi-se huā hai. aur chaitanyako vibhakta- main usase vibhakta-bhinna hūn̐, aisā bhinnatākā gnān, bhinnatākī pariṇati honī chāhiye. to ho sakatā hai.

mumukṣhuḥ- par-se bhinna ātmākī ruchi ..

samādhānaḥ- ruchi to apaneko karanī paḍatī hai. ruchi kauī nahīn kar detā hai. paramen ruchi rahatī hai, paramen sarvasva mān letā hai, sabakuchh paramen hai. aisī ruchi rahatī hai. mere ātmāmen sarvasva hai. paramen nahīn hai. sabakuchh gnān, ānanda sab mere ātmāmen hai, bāharamen nahīn hai. bhītaramen aisī pratīt honī chāhiye to pariṇati palaṭatī hai. ruchi to apaneko karanī paḍatī hai.

bāharamen sukh nahīn hai. bāharamen ākulatā-ākulatā hai. vibhāvamen ākulatā hai. paradravyamen dr̥uṣhṭi karanemen sab ākulatā hai. nirākul svabhāv aur ānanda svabhāv merā hai. to ruchi palaṭatī hai.

mumukṣhuḥ- gurudevashrīke pravachanamen āyā hai, samayasār 17-18 gāthāmen, ki gnānakā svabhāv svaparaprakāshak hone-se ābālagopālako sabako bhagavān ātmā jānanemen ātā hai. to agnānīko kaise svaparaprakāshak svabhāv hai, vah khyālamen nahīn āyā?

samādhānaḥ- agnānīko bhī svaparaprakāshak svabhāv kahīn nāsh nahīn hotā hai. ātmākā

< Previous Page Next Page >