255
mumukṣhuḥ- nirṇay yathārtha hai, vah kaise mālūm karanā? yathārtha nirṇayamen aisā kyā hotā hai ki jo anubhavako lātā hai?
samādhānaḥ- pahale jo buddhipūrvak nirṇay hotā hai, vah gurudevane jo apūrva mārga batāyā, usakā nirṇay vah ruchi-se sthūlatā-se karatā hai vah alag hai. antar-se jo nirṇay karatā hai, vah nirṇay svayaṅko hī khyālamen ā jātā hai ki yah nirṇay aisā yathārtha hai ki usake pīchhe avashya svānubhūti hogī. vah svabhāvako pahachānakar antaramen nirṇay hotā hai ki ye jo chaitanya svabhāv hai vah main hūn̐, yah gnāyak svabhāv hai vah main hūn̐, yah vibhāv main nahīn hū̃n.
usakā svabhāv, andar-se apanā bhāv-svabhāv pahachānakar nirṇay hotā hai. vah nirṇay aisā hotā hai ki use khyāl ātā hai ki yah kāraṇ aisā hai ki avashya kārya ānevālā hai. vikalpa-se anshataḥ bhinna hokar, svānubhūtikī bāt alag hai, parantu use antar-se aisī pratīt hotī hai ki yah gnāyak hai vahī main hū̃n. yah vibhāv main nahīn hū̃n. ye jo shāshvat chaitanya svabhāv, usakā astitva use yathārthapane antaramen-se grahaṇ ho jātā hai. vah bhale hī abhī nirvikalpa nahīn hai, to bhī buddhimen use aisā grahaṇ ho jātā hai.
bākī sthūlatā-se nirṇay kare vah alag bāt hai. svayaṅko ruchi ho ki mārga yahī hai, dūsarā mārga nahīn hai, yah vastu koī apūrva hai. aisī ruchi ho vah alag bāt hai. parantu antaramen-se jo nirṇay hotā hai vah svabhāvako pahichānakar hotā hai ki ye jo chaitanya gnāyak hai, jitanā yah gnān hai utanā hī main hūn̐, yah vibhāv main nahīn hū̃n. aisā antaramen-se use nirṇay hotā hai. aur bārambār use usakī dr̥uḍhatā hotī hai. bārambār usakī pariṇati us taraph muḍatī hai ki yah hai vahī main hūn̐, yah main nahīn hū̃n. is prakār use svabhāvako pahachānakar nirṇay hotā hai.
jo svabhāvako pahachānakar nirṇay hotā hai, usake pīchhe use avashya svānubhūti hue binā nahīn rahatī. usakā antar hī kah detā hai ki yah nirṇay aisā hai ki yah svabhāv- gnāyak svabhāv hī main hūn̐, dūsarā kuchh main nahīn hū̃n. ye nirvikalpa svabhāv hai vahī main hū̃n. usakī līnatākī kṣhatike kāraṇ abhī nirvikalpa honemen der lagatī hai. to bhī vah nirṇay aisā hotā hai ki avashya usamen use svānubhūti hue binā nahīn rahatī.
mati-shrutagnānakī buddhi jo bāhar jā rahī thī. vah svayam apanā nirṇay karatā hai ki yah gnānasvabhāv hai vahī main hū̃n. anya kuchh main nahīn hū̃n. aisā nirṇay karake phikṣhar apanī taraph, upayog apanī taraph muḍakar usamen līnatā kare to svānubhūti hotī hai. pahale gnānasvabhāvako pahachānakar nirṇay kare ki yah jo gnān hai vahī main hū̃n.