257
mumukṣhuḥ- āpako to nāriyalake golemen jaise golā bhinna paḍ gayā hai, vaise anubhav to ho gayā hai. aur hamen to ekatārūp pariṇaman hai, usakā kyā karanā?
samādhānaḥ- bhinna paḍanekā prayatna karanā. sabako ek hī karanekā hai. nyārā honekā prayatna karanā. nyārekī ruchi ho to nyārā honekā prayatna karanā. nyārā jo ātmā hai, usamen hī ānanda aur usamen hī gnān hai. vahī ānandakā sāgar, gnānakā sāgar hai. nyārā paḍanekī jise ruchi ho use nyārā honekā prayatna karanā. ekatā ho to nyārā honekā prayatna karanā. vah ek hī (upāy) hai.
svayam ekatvabuddhi kar rahā hai aur nyārā bhī svayam hī ho sakatā hai. janma-maraṇ karanevālā svayam hī hai aur mokṣha jānevālā bhī svayam hī hai. svayam svatantra hai. anādike abhyāsamen svayam kahīn-kahīn bāharamen ruk gayā hai. antaramen aisā abhyās, vah jaise sahaj ho gayā hai, vaisā chaitanyakā abhyās (kare), svayam aisā chaitanyakā gāḍh abhyās kare to bhinna paḍe binā rahatā nahī̃n.
mumukṣhuḥ- parakā sahaj ho gayā hai.
samādhānaḥ- parakā sahaj ho gayā hai. yah to svayam hai, vah svayaṅkā duṣhkar ho gayā hai. svayaṅko sahaj kare, sahaj honekā prayatna kare to ho.
mumukṣhuḥ- āp to bahut madad karate ho. ruchi karanemen āp aisī madad nahīn kar sakate?
samādhānaḥ- ruchi to svayaṅko hī karanī paḍatī hai na. ruchi to apane hāthakī bāt hai. ruchi koī karavā nahīn detā. gurudev mārga batāye ki ye chaitanya aur ye vibhāva. sukh ātmāmen hai, bāhar nahīn hai. aisā batāye ki sukh tere ātmāmen hai, bāhar nahīn hai. gurudev kahate hain ki ham tujhe batāte hain ki ātmā koī anupam hai. usakī ruchi tujhe lage to kara. samajhanake andar ruchi ā jātī hai ki yah duḥkh hai aur yah sukh hai, aisā gurudevane batāyā. yadi tujhe sukh chāhiye to ātmākī ruchi kara. tujhe paribhramaṇ karanā ho aur ruchi nahīn karanī ho to tere hāthakī bāt hai.
tujhe yadi ātmāmen-se sukh pragaṭ karanā ho to usakī ruchi kara. aur samajhanapūrvak