Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

257

107

āyuṣhya pūrā hotā hai vahān̐ sab bichhaḍ jāte haĩn. sansārakā svarūp hai. koī kahān̐-se ātā hai, koī kahān̐-se ākar pariṇāmakā mel ākar ikaṭṭhe hote haĩn. phir-se bichhaḍ jāte haĩn. aise janma-maraṇ kitane jīvane kiye.

vartamān sambandhake kāraṇ duḥkh lage. aise janma-maraṇ jīvane bahut kiye haĩn. shāstramen ātā hai, janma-maraṇ ek hī kare, sukh-duḥkh vede eka. chār gatimen bhaṭakanevālā ek aur mokṣhamen jīv akelā jāya. sab akelā hī karanevālā hai. svayam andar-se pariṇām (badal denā). gurudev kahate hain na? dev-guru-shāstra aur ātmā, ye do karane jaisā hai.

mumukṣhuḥ- bārambār-bārambār isīkā raṭan chāhiye, isīkā chintan chāhiye. aisā chāhiye, mātājī!

samādhānaḥ- vahī karane jaisā hai. usīkā abhyās bārambār karane jaisā hai. chāhe jo prasaṅgamen vairāgyamen ānā, vairāgyakī or muḍanā vahī ātmārthīkā kartavya hai. yahān̐ gurudev bhī aisā hī kahate the ki, sharaṇ ho to ek ātmā aur dev-guru-shāstra hai. (rāg ho) isaliye sabako aisā lage.

... aisā ho jāy ki aisī hī kar lẽn. sansār aisā hai. yād āve parantu bārambār samādhān karanā vahī ek upāy hai. vah ek hī upāy hai. bārambār puruṣhārtha. ātmā sab-se nyārā hai. pūrva bhavake kāraṇ sambandha bān̐dhe to sambandhake kāraṇ aisā lage ki aisā huā, aisā huā. parantu sambandha vartamān bhav tak hote haĩn. us par-se bār- bār vikalpa uṭhākar apanī taraph muḍane jaisā hai. main chaitanya hū̃n. pañcham kālamen aise guru mile. bhagavān, shāstra ādi sabako yād karane jaisā hai.

yād āye to bār-bār badal denā. bhagavānako āhāradān... jugaliyāke bhavamen tiryañch the, āhāradānakī anumodanā kī to sabake bhāv ek samān ho gaye. to samān bhav hue. kisīke pariṇām alag ho jāte hain to koī kahān̐, koī kahān̐, aisā hotā hai. sansārakā svarūp hī aisā hai.

(main) ātmā jānanevālā hū̃n. shāshvat ātmā (hūn̐). ātmā to shāshvat hai, deh badalatā hai. bākī ātmā to shāshvat hai. jahān̐ jāy vahān̐ ātmā shāshvat hai. deh badalatā hai. deh ekake bād ek anya-anya deh jīv dhāraṇ karatā hai, apane pariṇām anusāra. āyuṣhya pūrā ho jāy to ek dehamen-se dūsarā deh dhāraṇ karatā hai. ātmā to vahī shāshvat hai. dūsarā deh dhāraṇ karatā hai.

chār gatimen jīv anek jātake deh dhāraṇ karatā hai. ātmā to shāshvat rahatā hai. ātmāko bāharakī vedanā yā sharīramen kuchh ho, koī bāharake aise prasaṅg bane, ātmāko kuchh lāgū nahīn paḍatā. ātmā to vaisākā vaisā hai. ātmāko kuchh hāni nahīn hotī

< Previous Page Next Page >