258
samādhānaḥ- antar nivr̥utti māne antaramen anek jātakī vikalpakī jālamen rukatā ho, anek jātake vikalpamen rukatā ho, usamen-se svayam chhūṭakar bārambār chaitanya taraph jānā, vah antar nivr̥utti hai. anek jātakī jālamen rukatā ho, (usamense bāhar nikalakar) chaitanya taraphakā vichār karanā, chaitanya taraph yah main hūn̐, aise apaneko grahaṇ karanā. vikalpakī jālakī pravr̥utti āḍe vah bār-bār ātī hai, isaliye vah use gauṇ ho jātā hai. isaliye vikalpakī jālakī pravr̥utti kam karake apanī orakā abhyās baḍhāye, vah antar nivr̥utti hai.
vāstavik nivr̥utti to svayam gnāyakakā gnāyakarūp pariṇaman ho jāy to vāstavik nivr̥utti hai. parantu anya vikalpa kam karake chaitanya taraphakā abhyās baḍhāye to bhī antar nivr̥utti hai.
mumukṣhuḥ- āpake pās-se yah mārgadarshan bahut sundar milatā hai ki anubhav pūrva kis prakār āge baḍhanā, yah bahut sundar rīt-se āpase khyālamen ātā hai.
mumukṣhuḥ- nyāy utanā gambhīr aur dr̥uṣhṭānta itanā sarala. pahachānamen ātā hai, aur kah nahīn sakatā ki kaise pahachānā? sab ek sarīkhe dikhate hain phir bhī kaise alag karatā hai?
samādhānaḥ- usake lakṣhaṇ-se pahachānā aisā kahe. parantu kyā lakṣhaṇ, vah kah nahīn sakatā. kisīkī āvāj par-se (pahachān karatā hai). sabake āvāj bārīk ho to āvāj par-se kahatā hai ki yah phalānā manuṣhya hai. āvājamen kyā pharka paḍā use kah nahīn sakatā hai. svayam gnānamen grahaṇ kar letā hai ki isakī āvāj yah hai, isaliye yah manuṣhya hai. is prakār svayam grahaṇ kar letā hai. aise lakṣhaṇ-se rūpīko pahachān letā hai.
parantu apane gnānalakṣhaṇ-se gnāyakako pahachānanemen mushkil paḍatī hai. usamen binā vikalpa, binā tarka pahachān letā hai, niḥshaṅkapane pahachān letā hai. bārambār chaitanyakā abhyās kare, usamen ulajhanamen na ā jāy, usamen ākulatā na ho, parantu bhāvanā rakhe. bahut ākulatā kare ki kyon hotā nahīn? to use bahut ulajhan ho to āge nahīn baḍh sakatā. parantu amuk prakārakī bhāvanā-se āge baḍhatā hai. ulajhanamen ā jāy to dikkat ho jāya.
mumukṣhuḥ- ulajhanamen na ā jāya. mārga nikālatā jāya.
samādhānaḥ- mārga nikālatā jāya. bāharakī takalīphamen-se jaise mārga nikālatā hai, vaise antaramen svayam rāstā nikālatā hai. koī vikalpakī jālamen nahīn ulajhakar svayam rāstā nikālakar chaitanyakā abhyās kaise baḍhe? is tarah svayam rāstā nikālatā hai.