Benshreeni Amrut Vani Part 2 Transcripts-Hindi (simplified iso15919 transliteration).

131

ṭrek-261

kāraṇ hai. vah bāhar-se nahīn milate. vah puruṣhārtha-se nahīn milatā. apane chaitanyamen puruṣhārtha kām karatā hai. kyoṅki chaitanya svayam svatantra hai, usamen svabhāv pragaṭ karanā vah apane hāthakī bāt hai. satpuruṣh milanā vah puṇyakā prakār hai. vah vastu par hotī hai. isaliye us jātake puṇya ho to satpuruṣh milate haĩn.

svayam bhāvanā bhātā rahe, usamenn aisā puṇya ban̐dh jāy to satpuruṣh milate haĩn. vah puṇya-se milatā hai, puruṣhārtha-se nahīn milatā hai. svayam bhāvanā bhātā rahe ki mujhe satpuruṣh mile, mile, parantu aisā koī puṇyakā yog ho to milate haĩn. puruṣhārtha-se nahīn milate. puṇya hai vah alag vastu hai aur andar puruṣhārtha-se ātmākī prāpti karanī vah alag hai aur satpuruṣh milanā vah puṇyakā kāraṇ hai.

mumukṣhuḥ- satpuruṣh nahīn milanā vah pāpakā kāraṇ hai?

samādhānaḥ- hān̐, vah pāpakā kāraṇ hai. nahīn milate hain vah apanā us jātikā puṇyakā yog nahīn hai athavā us jātikā pāpakā uday hai. pañchamakālamen janma ho aur jinendra dev, guru, shāstrakī durlabhatā ho, sachche guru milane, jinendra dev sākṣhāt milane, sachche shāstra hāthamen kvachit hī mile, aisā sab ho usamen apanī kṣhati hai. duṣhamakālamen janma huā vah bhī apane puṇyakī kṣhati hai. us jātakā pāpakā uday hai ki is kālamen janma hotā hai. vah puṇya-pāpakā sanyog hai, apane hāthakī bāt nahīn hai. parantu apanī bhāvanā ho to us jātakā puṇya ban̐dh jātā hai ki us puṇya-se satpuruṣh milate haĩn.

mumuukṣhuḥ- puruṣhārtha sirpha chetanamen-apanemen kare. samādhānaḥ- apanemen puruṣhārtha kām karatā hai. bāhya vastuen̐ prāpta honī vah sab puṇyakā kāraṇ hai. vah svayam nahīn kar sakatā.

is kālamen-pañchamakālamen gurudev padhāre vah mahāpuṇyakā yog thā. isaliye sabako us jātakā gurudevakā yog prāpta huā, satpuruṣhakā yog prāpta huā. unakī vāṇī milanī, darshan milanā, sānnidhya milanā, satasamāgam milanā vah sab puṇyakā prakār hai. lekin vah aisī shubhabhāvanā bhāye to vaisā puṇya ban̐dhatā hai.

bāhya sanyog milanā, sharīramen pheraphār honā, bāhyakā kuchh milanā, nahīn milanā vah sab puṇyake kāraṇ hai. shātā vedanīy (honī) vah puṇyakā prakār hai. antaramen puruṣhārtha karanā aur ātmāko pahichānanā vah sab puruṣhārthakā kārya hai. parantu ananta kāl- se jīvako sachchā milā nahīn hai athavā yathārtha gurukā yog nahīn milā hai, usakā kāraṇ apanī us jātakī bhāvanā, jignāsā, aisā puṇya nahīn thā. upādān taiyār ho to use nimitta mile binā rahatā hī nahī̃n. aisī yadi apanī jignāsā taiyār ho to bāharakā aisā puṇya ho jātā hai ki jisase aisā yog prāpta ho jātā hai.

< Previous Page Next Page >