mandatāke kāraṇa. ruchikī aisī ugratā karake jo puruṣhārtha apanī taraph muḍanā chāhiye, us puruṣhārthako svayam moḍatā nahī̃n. isaliye usamen aṭak jātā hai.
puruṣhārtha jo bāharamen kām karatā hai, use svayam palaṭatā nahīn hai. vikalpamen jo puruṣhārtha jātā hai, us puruṣhārthako palaṭakar nirvikalpatākī paryāyamen svayam palaṭatā nahīn hai. isaliye use vah ānanda nahīn ātā hai. vah ānanda andar chaitanyamen jāy to hī vah ānanda usamen-se pragaṭ hotā hai. vikalpamen khaḍā ho, tabatak ānanda nahīn ātā hai. savikalpa dashāmen bhedagnānakī dhārā pragaṭ ho, samyagdarshan ho, use ānshik shānti hotī hai. parantu vikalpavālī dashāmen jo nirvikalpatākā ānanda hotā hai vah ānanda to nirvikalpa dashāmen hī hotā hai.
samyagdr̥uṣhṭiko bhedagnānakī dhārā sahaj hotī hai. usamen ānshik shānti, gnāyakakī dhārā, shāntikī dashā hotī hai. parantu apūrva ānanda to nirvikalpa dashāmen hī hotā hai. aur vah bhedagnānakī dhārā bhī, abhī jo jignāsu hai, use sahaj dhārā nahīn hai. vah to abhī abhyās karatā hai. ekatvabuddhi hai. ekatvatāko toḍe, usakā prayās kare. vah ekatvatā toḍanekā puruṣhārtha nahīn karatā hai. jitanī ekatvatā vibhāvake sāth hai, kṣhaṇ- kṣhaṇamen use ekatvabuddhi ho rahī hai, kṣhaṇ-kṣhaṇamen, aisī ugratā gnāyakakī dhārā kṣhaṇ-kṣhaṇamen pragaṭ ho, aisā puruṣhārtha to nahīn hai. vah kṣhaṇ jyādā hai, vikalpake sāth (ekatvakī) kṣhaṇ to din-rāt chalatī hai, gnāyakakā abhyās to koī bār karatā hai. ataḥ use gnāyakakī pariṇati sahaj honī chāhiye. to vikalpa ṭūṭakar ānanda ho. vah to karatā nahī̃n. main gnāyak hūn̐, aise ruchi kare, mahimā kare, koī bār abhyās kare to mātra kṣhaṇabhar thoḍī der kare vah use sahaj nahīn ṭikatā hai aur (ekatvatā) to usakī ṭikī hai, vah to use chaubīson ghaṇṭe chalatī hai. yah use.. tīvra puruṣhārtha karake tīvra puruṣhārtha karatā nahīn hai. isaliye nirvikalpa dashā hokar jo ānanda ānā chāhiye vah nahīn ātā hai.
vah jīvan ekatvatāmen ekamek ho gayā hai aur yah bhedagnānakā jīvan to mushkil- se abhyās kare to. vah to hai nahī̃n. isaliye use ānanda nahīn ātā hai. bhāvanā rahe, ruchi rahe, mahimā rahe, parantu puruṣhārthakī dhārā us or jātī nahīn isaliye nahīn hotā hai.
mumukṣhuḥ- vah ānanda kaisā hogā? kyoṅki hamen to gurudevake prati yā āpake prati bhāvanā āye, arpaṇatākā bhāv āye to hamen aisā lagatā hai ki hamen lagatā hai hamen bahut ānanda-ananda āyā, aisā lagatā hai. phir āp jo kahate ho vah ānanda kaisā hogā?
samādhānaḥ- us ānandakā kisīke sāth usakā mel nahīn hai. vah bolanemen āye