264
samādhānaḥ- hān̐, aisā hai. paryāyamen adhūrā, dravya-se pūrṇa hū̃n.
mumukṣhuḥ- .. aisā dr̥uṣhṭimen liyā hai, usī vakta paryāyamen kārya karanā bākī rahatā hai.
samādhānaḥ- us samay khyāl hai, kārya karanekā hai. kahīn bhūl rahe aisā hai hī nahī̃n. svayam āge baḍh nahīn sakatā hai, isaliye sab prashna utpanna hote haĩn. bākī gurudevane itanā kahā hai ki kahīn bhūl na rahe, itanī spaṣhṭatā kī hai. sab spaṣhṭīkaraṇ kiyā hai. jise koī prashna utpanna huā ho, usīkā spaṣhṭīkaraṇ unakī vāṇīmen ātā thā. kisīko aisā lage ki yah kahān̐-se āyā? jise jo prashna hote the, un sabakā uttar ā jātā thā.
mumukṣhuḥ- tīrthaṅkar jaisā yog thā.
samādhānaḥ- hān̐, aisā yog thā. unakī vāṇīkā yog hī aisā thā.
samādhānaḥ- .. antaramen svabhāvamen sab bharā hai. antar dr̥uṣhṭi kar to antaramen-se sab nikale aisā hai. usake liye sab vichār, vāñchan ādi (hai). ātmā ek anādiananta vastu hai. ek tattva hai. agādh samudra, agādh guṇon-se bharā hai. sab vibhāvabhāv hai vah ātmākā svabhāv nahīn hai. vah to puruṣhārthakī mandatā-se, karmake nimitta-se apane puruṣhārthakī mandatā-se hotā hai. svayam puruṣhārtha palaṭakar ātmā taraphakī ruchi karake usīkā bār-bār manan, chintavan, sab ātmākā kaise ho, vahī karane jaisā hai. usīkī ruchi baḍhāne jaisā hai.
anādi kālamen sab kiyā, lekin ek ātmā apūrva hai (aisā jānā nahīn). gurudevakī vāṇī apūrva thī. kitane sāl vāṇī barasāyī hai. yahān̐ 45-45 sāl nivās kiyā hai. subah aur dopaharako vāṇī hī barasāte the. unakā to param upakār hai. itanī to ṭep huī haĩn. unhen to vāṇīkā yog koī prabal aur unakā prabhāvanā yog, aur unakī vāṇī kuchh alag jātakī thī. ve to mahāpuruṣh the. yahān̐ to jo unase prāpta huā hai, vah sab kahanemen ātā hai. unhonne to barason vāṇī barasāyī hai.
mumukṣhuḥ- itanā kahā hai to ham jaise jīvoṅko itanā upakārī hai ki jisakī koī kīmat nahīn ho sakatī.
samādhānaḥ- gurudev mānon sākṣhāt bolate ho, aisā ṭepamen lagatā hai. .. to hūbahū sinhakī dahāḍ lagatī thī. unakā jo pravachan thā, vah alag thā. unakī karuṇā utanī thī. koī ādamī āye to karuṇā-se hī bulāte the. sharīrakā koī ghyān nahīn thā.
... to antaramen dr̥uḍh ho. ātmā sarvase bhinna gnāyak hai, usīkā abhyās aur usīkā vāñchan, usakā vichār, bār-bār vichār aur vāñchanamen dr̥uḍh karane jaisā hai. ek gnāyak ātmāko pahachānaneke liye.