277
hāth lag jāy to.
svayam hī hai, koī anya nahīn hai ki use duṣhkar paḍe. svayam hī hai. svayam apane- se apaneāpako bhūlā hai. mūl yadi hāth lag jāy to sab saral hai. apanī taraph pariṇati muḍe to malinatā chhūṭ jāy, usakā bhedagnān hotā haiai.
mumukṣhuḥ- aisī vidyā āp dījiye.
samādhānaḥ- antaramen aisī lagan lage to yukti hāth lag jāya. use chain paḍe nahīn, yukti hāth lage binā. ye vibhāvasvabhāv, ye sab bhedabhāv, main akhaṇḍa dravya hūn̐, kaise hai? use antaramen kahīn chain na paḍe. isaliye svayam apaneāpako antar-se khoj letā hai. guru to mārga darshāte hain, karanā apane hāthamen hai. gurudevane to upadeshakā dhodh bahāyā hai. karanā svayaṅko bākī rah jātā hai.
mumukṣhuḥ- jisakā antaralakṣhyī jīvan hai, ve jab bāharamen vikalpa hote ho, tab dev-guru-shāstrake vikalpa ho yā bārah bhāvanā ho yā dūsare koī shubhabhāv ho, usamen koī pradhānatā dene yogya vikalpa hai ki nahīn? jaise, dev-guru-shāstrakī pradhānatā denī, bārah bhāvanākī pradhānatā denī, dravya-guṇ-paryāyakī pradhānatā denī, vikalpātmak?
samādhānaḥ- use jis prakārakā chintavan chalatā ho, usakī jis prakārakī pariṇati ho, us jātake bhāv āte haĩn. dev-guru-shāstrake āye, kabhī bārah bhāvanāke āye, shāstramen to dravya-guṇ-paryāy sab ā jātā hai. use shubhabhāv to anek prakārake āte haĩn. jise jahān̐ jis prakārakī ruchi ho, us jātake bhāv āte haĩn. us jātake bhāv amuk bhūmikāmen hote haĩn.
sab use amuk prakār-se shubhabhāvanāmen sāthamen hotā hai. kabhī kuchh mukhya ho jātā hai, kabhī kuchh mukhya hotā hai. prasaṅg anusār kabhī bārah bhāvanā mukhya ho jāy, aur dev-guru-shāstra to usake hr̥udayamen hote hain to ve mukhya ho jāte haĩn. prasaṅg anusār kabhī bārah bhāvanā (hotī hai), kabhī shrutakā chintavan (chalatā hai). usamen use jis prakārakā ras ātā ho, vaisā use jyādā rahatā hai. aur prasaṅg anusār vah baḍh bhī jātā hai. aisā bhī banatā hai.
mumukṣhuḥ- tīrthaṅkar dīkṣhā lene-se pahale bārah bhāvanākā chintavan karate hain, vairāgya vr̥uddhike liye.
samādhānaḥ- use dīkṣhāke sāth sambandha hai. ekadam vairāgya ā gayā hai, bārah bhāvanāke sāth sambandha hai. use dīkṣhā lenekī jo bhāvanā huyī, usake sāth us prakārakī vairāgyakī bārah bhāvanā utpanna hotī hai. vairāgyakā chintavan unhen ātā hai, munidashā aṅgīkār karate hain isaliye. usake sāth usakā sambandha hai.