248 hote hain, aise sadagurukī vāṇī hotī hai, koī alag hī svarūp batāte haĩn. bāhar-se sab kar liyā, chhoḍ diyā, tyāg kar diyā, sab kiyā parantu andar samajh binā, yathārtha gnān binākī kriyāen̐ sab vyartha jātī hai.
shubhabhāv-se puṇya ban̐dhe aur puṇya-se svarga mile. vah samajhe binākī (kriyā hai). antaramen yathārtha samajhapūrvak jo pariṇati pragaṭ ho vah alag hotī hai. isaliye samajh karanī. pahale ātmāko pahachānanekī jarūrat hai. yathārtha sat vastu ātmā kyā hai, use pīchhānanekī jarūrat hai. bāhar sampradāyamen jīv ananta kāl janmā hai, bāharakā munipanā ananta bār liyā hai. sab kiyā hai, parantu mokṣha nahīn huā hai.
unakā upadesh jinhonne sunā hai, aise bahut mumukṣhu haĩn. unhen pūchh lenā. barason tak unhonne vāṇī barasāyī hai. unhonne kyā svarūp kahā hai? unhonne kyā bāt kahī hai? unake muumukṣhu har gām̐vamen hote hain, unhen pūchh lenā. sabako jāgr̥ut kiyā hai. to bhī koī- koī bechāre rah gaye. pīchhe-se jāge.
janma-maraṇ, janma-maraṇ chalate rahate haĩn. usamen manuṣhya bhavamen apane ātmākā kuchh ho to kāmakā hai. bākī to sab janma-maraṇ ananta-ananta kiye. usamen gurudev mile aur yah mārga batāyā. yah mārga to koī apūrva hai. antar dr̥uṣhṭi karake ātmāko andar- se grahaṇ kar lenā vahī mārga hai. sachchā to vah hai. antaramen sharīr bhinna, ātmā bhinna, sab bhinna hai. andar ātmā ananta gnān-se bharā, ananta ānanda-se bharā aisā ātmā hai. ananta guṇ-se bharā hai.
sab vikalpa hai, vikalpa-se bhī ātmā bhinna hai. ātmāko pahachānanekā prayatna karanekī jarūrat hai, is manuṣhya jīvanamẽn. usake liye jinendra dev, guru, shāstra, un par bhakti evan mahimā āye aur chaitanyakī mahimā āye vah karanā hai. janma-maraṇ jīvane ananta kiye haĩn. jīvane, ek samyagdarshan prāpta nahīn kiyā hai aur ek jinendra nahīn mile haĩn. mile to svayanne pahichānā nahīn hai. lekin vah ek samyagdarshan apūrva hai. bākī sab padavī jagatamen prāpta ho chūkī hai, devalokakī aur saba. parantu ek ātmā prāpta nahīn kiyā hai aur gurudevane ātmākā svarūp batāyā aur karane jaisā vah hai.
is lokamen jitane paramāṇu jīvane grahaṇ karake chhoḍe, sab kṣhetra par janma-maraṇ kiye, sab kālakā parivartan kiyā, vibhāvake sab bhāv kar chūkā, parantu ek ātmā prāpta nahīn kiyā hai. (ātmā) ek apūrva hai. manuṣhya jīvanamen ho to vah nayā hai, bākī kuchh nayā nahīn hai. bākī bāharamen jīvane kriyāen̐ bahut kī, shubhabhāv kiye, puṇya bān̐dhā, devalokamen gayā, parantu bhavakā abhāv nahīn kiyā. bhavakā abhāv ho, vah mārga gurudevane batāyā. ātmāko bhinna pahachān lenā. karanā vah hai.