Benshreeni Amrut Vani Part 2 Transcripts-Hindi (simplified iso15919 transliteration).

amr̥ut vāṇī (bhāg-6)

256 yadi jāne to use gnaptikriyā pragaṭ huyī hai. nahīn to gnaptikriyā nahīn hai. "jo jāne so jānanahārā'. jo jānatā hai vah karatā nahīn aur jo karatā hai vah jānatā nahī̃n. parake sāth ekatvabuddhike kāraṇ main karun̐, main karun̐ aisā hotā hai. yathārtha jāne to use gnaptikriyā yathārtha hotī hai. bākī sthūlarūp-se to sab jānatā hī rahatā hai.

jānanekā usakā svabhāv hai, vah kahīn nāsh nahīn jātā. jānatā to hai, parantu svayaṅko nahīn jānatā hai. vah jānanā yathārtha nahīn hai. apane dravya-guṇ-paryāyako nahīn jānatā, isaliye vah dūserakā bhī yathārtha nahīn jānatā.

mumukṣhuḥ- mokṣhārthīko prayog karanā chāhiye. to vah dhyān yānī bhedagnānakā abhyās?

samādhānaḥ- bhedagnānakā abhyās vah dhyāna. kyoṅki pahale vah abhyās kare. yadyapi yathārtha dhyān to gnāyakakī dhārā pragaṭ ho aur usamen līnatā kare to yathārtha dhyān ho. parantu pahale usakā abhyās hotā hai. bhedagnānakā abhyāsarūp dhyān karanā hai. kyoṅki apanā astitva grahaṇ kiye binā kahān̐ sthir hogā? jahān̐ sthir honā hai, vah jo dravya hai us dravyako grahaṇ kare. jo shāshvat dravya hai usamen sthir huā jāya. paryāy par sthir nahīn huā jātā. paryāy to palaṭatī rahatī hai. sthir to dravyako pahachāne to huā jātā hai. parantu dravyako pīchhānanekā prayatna kare, us jātake abhyāsakā prayatna kare. to us jātakā dhyān hotā hai.

bhedagnānakā abhyās karanekā prayatna kare ki main bhinna hū̃n. ye vibhāv main nahīn hūn̐, sharīr main nahīn hū̃n. usakā kṣhaṇ-kṣhaṇamen bhinna paḍanekā abhyās kare. usakī ekāgratā kare ki main yah gnāyak hū̃n. aisā dhyān kare ki main yah gnāyak hūn̐, chaitanya hūn̐, mahimāvant shuddhātmā hū̃n. aisā bhāv-se use yathārtha pahichānakar kare. vikalparūp-se aise shuṣhkapane nahīn, parantu gnāyak mahimāvant hai, aise use grahaṇ karake bārambār usakā dhyān kare to vah abhyāsarūp dhyān hai. bārambār usīkā dhyān karatā rahe.

yathārtha pariṇatirūp to use jab gnāyakakī dhārā pragaṭ ho, tab use yathārtha pariṇatirūp dhyān hotā hai. yah dhyān vah abhyāsarūp kare. samajh binākā dhyān taraṅgarūp ho jātā hai. isaliye apaneko grahaṇ karake, chaitanyako pahachānakar usamen ekāgratā kare ki main yah chaitanya hūn̐, vibhāv-se bhinna hū̃n. aise bār-bār bhinna paḍanekā abhyās kare aur svayaṅko grahaṇ karanekā prayatna kare.

svayaṅko bhinna karanā, vibhāv-se svayaṅko bhinna karanā, usakā abhyās karanā. usakī pariṇatirūp jise samyagdarshan ho, vah bhī bhedagnān-se hī mukti pāte haĩn. aur vah bhedagnān hī ākhir tak rahatā hai. use yathārtha hotā hai. us bhedagnānase hī svānubhūti hotī hai. aur us bhedagnānakī ugratāmen hī use līnatā baḍhānī hai. phir līnatā baḍhātā hai,

< Previous Page Next Page >