Benshreeni Amrut Vani Part 2 Transcripts-Hindi (simplified iso15919 transliteration).

ṭrek-

279

261

samādhānaḥ- utanī svayaṅkī mandatā hai. jīvako kahīn-kahīn santoṣh ho jātā hai. isalaye āge nahīn baḍh sakatā.

mumukṣhuḥ- āge kaise baḍhanā?

samādhānaḥ- jabatak āge nahīn baḍhatā, tabatak usīmen usīkā abhyās karanā. usakā abhyās karate-karate tīvratā hotī hai tab vah āge jātā hai.

samādhānaḥ- gurudevane to bahut spaṣhṭa kar-karake mārga sūkṣhma-sūkṣhma rīt-se samajhāyā hai. koī apūrva bāt samajhāyī hai. sab bāhar-se dharma hotā hai, aisā mānate the. shubhabhāv- se, bāhya kriyā karane-se dharma hotā hai, aisā mānate the.

gurudevane antar dr̥uṣhṭi batāyī. dharma antaramen rahā hai. antaramen ātmāko pahachāne. ātmā kis svabhāvarūp hai? ātmākā svarūp kyā? ātmāke dravya-guṇ-paryāy kyā hai? ye vibhāv kyā? ye paradravya kyā hai? pudagalake dravya-guṇ-paryāy, ātmāke dravya-guṇ-paryāy, use yathārtha pahichāne. aur sharīr-se bhinna, vibhāvasvabhāv apanā nahīn hai, usase svayaṅko bhinna kare. bhinna karake antar ātmā ek apūrva anupam vastu hai, use pahichānanekā prayatna kare. to usamen-se hī dharma rahā hai.

dharma andar ātmāmen hai. bāhar-se dev-guru-shāstrakī mahimā, shubhabhāv āye usase puṇya ban̐dhatā hai. parantu andar shuddhātmāmen dharma rahā hai. aur us shuddhātmāke dhyeyapūrvak shubhabhāvamen jinendra dev, guru, shāstra unakī mahimā āye, chintavan kare, shāstra abhyās kare. aisā sab kare. parantu ek ātmākā dhyey honā chāhiye ki mujhe shuddhātmākī pahachān kaise ho? ātmā kaise bhinna paḍe? anādikā bhinna hai, parantu vah pariṇati-se kaise nyārā ho? vah kaise ho? usakī lagan, usakī mahimā laganī chāhiye. bākī sansār to aise hī anādikā chalatā hai.

gr̥uhasthāshramamen rahakar bhī ātmākī ruchi ho, ātmā koī apūrva hai, usakī anupamatā lage to vahī karanā hai. gurudevane koī apūrva mārga batāyā hai. unakī vāṇī koī apūrva thī, unakā ātmā apūrva thā. unhonne alag prakār-se sabako dr̥uṣhṭi dī hai aur mārga batāyā hai. karanekā vahī hai.

mumukṣhuḥ- hamen ye shubhabhāv yātrāke bhāv āye, āpakā darshanakā bhāv āye, gurudev pratye ananya bhakti āve. vah to āte hī haĩn.

samādhānaḥ- shubhabhāv to āyeṅge. shubhabhāv to āye, parantu dhyey shuddhātmākā honā chāhiye. shubhabhāv to jignāsākī bhūmikāmen āve. samyagdr̥uṣhṭiko shubhabhāv āte hain, munioṅko shubhabhāv āte haĩn. parantu samyagdr̥uṣhṭiko andar bhedagnān hotā hai ki shubhabhāv aur ātmā bhinna hai. usakī gnāyakakī pariṇati bhinna rahatī hai. munioṅko shubhabhāv āte haĩn. ve

< Previous Page Next Page >