paryāy pariṇame athavā dūsare dravyakī paryāy dūsare dravyamen pariṇame aisā nahīn hai. jis dravyakī jo paryāy ho, us dravyake āshray-se hī paryāy pariṇamatī hai. aisā usakā sambandha usamen-se ṭūṭatā nahī̃n. vah svataḥ hone par bhī, vah svatantra hone par bhī, usakā sambandha jo dravyake sāth hai, vah paryāyakā dravyake sāthakā sambandha chhūṭatā nahī̃n.
dravyadr̥uṣhṭike viṣhayamen vah bhed ātā nahī̃n. dravyadr̥uṣhṭikā viṣhay akhaṇḍa hai. isaliye usamen vah bhed āte nahī̃n. to bhī vah paryāy koī apekṣhā-se,... dravyamen guṇakā bhed, paryāyakā bhed hai, aur us bhedake kāraṇ paryāyako dravyakā āshray hotā hai. aur dravya koī paryāy rahit nahīn hotā. (yadi sarvathā) kūṭastha ho to use sādhanā nahīn ho, koī vedan nahīn ho, sansār-mokṣhakī koī avasthā nahī̃n. ataḥ svatantra kahanekā artha yah hai ki vah svataḥsiddha akāraṇ pāriṇāmik hai. isaliye usakā svarūp svatantra batāneke liye hai. parantu jahān̐ dravyadr̥uṣhṭi pragaṭ huyī, usamen vah nahīn hotī. to bhī sādhanāmen vah donon sāthamen hote haĩn. dravyadr̥uṣhṭi mukhya hotī hai aur jise dravyadr̥uṣhṭi pragaṭ huyī hai, use us sādhanāke sāth paryāyakī shuddhi hotī hai.
vastukā svarūp hī aisā hai ki jisakī dravya par dr̥uṣhṭi ho, yathārthapane dr̥uṣhṭi ho use hī vah paryāy shuddharūp sāthamen pariṇamatī hai. aur jise yathārtha gnān sāthamen ho vah anshī aur anshakā karavātā hai. anshī svayam akhaṇḍa hai. usamen ananta guṇ aur ananta paryāy hai. parantu vah ek ansh hai. us anshakā sāmarthya kahīn anshī jitanā nahīn hai. to bhī vah svataḥ hai. vah svataḥ pariṇamatī hai aur svatantra hai. aisā kahanekā āshay hai.
dravyake viṣhayamen ātā nahīn hai, isaliye use bhinna karake use aisā kahanemen ātā hai ki vah svatantra pariṇamatī hai. dravyadr̥uṣhṭikā viṣhay nahīn hai aur vah svataḥ hai isaliye. aur use svatantra kahanemen ek paryāy bhī hai aur dravyake sāth paryāy hotī hai. aisā bhī sābit hotā hai. paryāyako svatantra kahanemen paryāy hai aur paryāy dravyakā ek bhāg hai, aisā usamense sābit hotā hai. paryāyakī svatantratā batānemen paryāy nahīn hai aisā sābit nahīn hotā. parantu paryāy hai aur paryāy dravyakā ek bhāg hai. parantu vah svatantra svataḥsiddha hai. paryāy bhinna hai aisā usakā artha usamen nahīn hai. usamense paryāy sābit hotī hai.
paryāyako svatantra batānemen koī aisā mānatā ho ki paryāy hai hī nahīn (to aisā nahīn hai). paryāyako svatantra batānemen paryāy hai aur paryāy dravyakā ek bhāg hai aur vah svatantra pariṇamatī hai. aur dravyadr̥uṣhṭikī mukhyatāmen use gauṇ karanemen ātā hai. parantu paryāy, jis jātikā dravya ho, us jātikī paryāy dravyake āshray-se pariṇamatī hai. usamen bilakūṭ ṭūkaḍe nahīn ho jāte, vah apekṣhā sāthamen samajhanī hai. yathārtha samajhe to