usakā abhyās karanā. bhedagnān kaise ho, usakā abhyās karanā. pahale bhedagnānakā abhyās (karanā). andar ruchi laganī chāhiye. ruchi lage to vah abhyās kare. svayaṅko vah karanā hai. usakī ruchi laganī chāhiye. antaramen-se yathārtha pariṇati to bādamen hotī hai, pahale usakā abhyās kare. vah nahīn ho tabataka.
samādhānaḥ- .. bhedagnān karaneke liye utanī laganī, utanī mahimā, shrutakā vāñchan, vichār sab hotā hai. taiyārī ho to ho. bhedagnānakī pariṇati ho to svānubhūti ho. taiyārī karanī.
ananta kālamen bāharakā sab bahut kiyā hai, ek antaramen dr̥uṣhṭi karake ātmākā pahichānanā vah karanā hai. kriyāen̐ kī, shubhabhāv kiye, sab kiyā, devalok milā, sab milā parantu bhavakā abhāv nahīn huā. bhavakā abhāv honekā mārga gurudevane batāyā hai. muktikā mārga antaramen hai. gurudevane koī apūrva mārga batāyā hai. dr̥uṣhṭi kare to mālūm paḍe aisā hai. gurudevane chāron pahalūon-se samajhāyā hai. ātmākā dravya-guṇ-paryāy kyā? vibhāv kyā? pudagal kyā? sab batāyā hai.
mumukṣhuḥ- gnānīke binā akele to kuchh samajhamen ātā nahī̃n.
samādhānaḥ- gurudevane bahut samajhāyā hai. usakā mūl āshay grahaṇ kar lenā, gurudevane kyā kahā hai, vaha. usake liye satsaṅg aur svayaṅko jahān̐-se samajhamen āye, gurudev virājate the vah bāt alag thī, parantu gurudevane jo samajhāyā hai usakā āshay grahaṇ karanā. mūl prayojanabhūt tattvako grahaṇ karanā. apane dravya-guṇ-paryāy, chaitanyake chaitanyamẽn. paradravyake paradravyamen hai. vah samajhanā.
jo bhagavānako, guruko pahachāne vah svayaṅko pahachānatā hai. aisā sambandha hai. gurune kyā kiyā? gurudev kyā kahate the? aise yathārthapane jāne to apane svarūpako jāne. aisā sambandha hai. isaliye main kaun hūn̐? jo svayaṅko pahichāne vah dev-guruko pahichāne aur dev-guruko pahichāne vah svayaṅko pahichānatā hai. isaliye chaitanyakā dravya, chaitanya vastu kyā? usake guṇ kyā? usakī paryāy kyā? usakī pariṇati kaisī (hotī hai)? antaramen kaisā ātmā hai? usakā vichār kare. jo gurudevane kahā us mārga par, āshay grahaṇ karake vah vichār kare. vah na ho tabatak usakā bārambār abhyās kare.
mumukṣhuḥ- ...
samādhānaḥ- manuṣhya jīvanamen ye kuchh navīn karanā hai, ye kuchh navīn nahīn hai. ananta kāl aise hī vyatīt ho gayā, aise bhav ananta hue. usamen is bhavamen pañchamakālamen gurudev mile. is kālamen aisī vāṇī sunānevāle, aisā mārga samajhanevāle milanā durlabh hai. isaliye ātmā hī sarvasva hai, us taraphakā puruṣhārtha aur khaṭak honī chāhiye.