300 sanyog ho to vah lāl dikhatā hai. parantu vah lāl bāhar-se nahīn āyā hai, parantu sphaṭik svayam pariṇamit huā hai.
vaise jīv svayam pariṇamatā hai. kuchh nahīn hai arthāt mātra bhrānti hī hai aur agnān hai, vah apekṣhā-se barābar hai. parantu dūsarī apekṣhā-se dekhe to use anādi kālase vedan hotā hai, rāgakā, duḥkhakā vedan kisako hotā hai? mujhe duḥkh-se chhūṭanā hai, yah mujhe duḥkh hotā hai, mujhe ākulatā hotī hai. vah vedan andaramen hotā hai. to vah vedan ek paryāyamen hai, mūl vastumen nahīn hai. vedan paryāyamen hai, vastumen to nahīn hai. parantu vastumen nahīn hai, aisā nakkī kiyā. phir bhī bāhar usake vedanamen amuk khaḍā rahatā hai. isaliye vah shraddhā barābar karake, bhedagnānakī dhārā aisī hī rahanī chāhiye ki kṣhaṇ- kṣhaṇamen, kṣhaṇ-kṣhaṇamen jaise vikalpakī dhārā chalatī hai, utanī hī usake sāmane dhārā chalanī chāhiye. ... andarase chalanī chāhiye.
gnāyakadhārā aisī chale to usamen-se svānubhūti ho. to usakī dashā chālū ho. svānubhūti nahīn ho to usakī dashā chālū nahīn hotī. usakī dhārā chalanī chāhiye. andar-se aisī bhāvanā kare ki main bhinna, meremen kuchh nahīn hai, main to bhagavān jaisā hū̃n. andar aisī bhāvanā, vairāgya ho jāya. parantu us jātakā vedan hokar use svānubhūti honī chāhiye. aur usakī dhārā andaramen (chalanī chāhiye). bāharamen kuchh bhī kām kare to kṣhaṇ- kṣhaṇamen (chalanī chāhiye). phir bhūl jāy aur yād kare, bhūl jāy aur yād kare aise nahīn, parantu use andar dhārā hī chalanī chāhiye. dhārā chale aur svānubhūti bār-bār ho to use vikalpa chhūṭakar ānanda āye. vikalpa chhūṭe binā ānanda nahīn hotā.
mumukṣhuḥ- vikalpa chhūṭe nahīn to aisā apūrva ānanda pragaṭ hī nahīn hotā.
samādhānaḥ- hān̐, to apūrva ānanda pragaṭ hī nahīn ho.
mumukṣhuḥ- mujhe to dhruv jaisā nishchay hai. bas, ..
samādhānaḥ- dhruv, achal... dhruv bhī sirpha dhruv nahīn hai, parantu gnāyak dhruv hai. gnāyakatāse bharā huā dhruv hai. aisā dhruvakā nishchay barābar, phir paryāyamen kyā hai? vah svayam nakkī karanā chāhiye.
mumukṣhuḥ- main kahatī hūn̐, aisā hī nishchay hai ki ātmā prāpta karake rahūn̐gī. pūrṇa vītarāg honā, us prakārakā .. kabhī chhūṭe nahīn aisā.
samādhānaḥ- vah to achchhī bāt hai. svayam jyādā āge baḍhanā. jyādā āge baḍhanā bākī rahatā hai.
mumukṣhuḥ- āge jānā hai, isīliye kis prakār... mumukṣhuḥ- vah kahatī hai, pūrṇapane pragaṭ ho..