322 nahīn hai, lekin usakā dhyey barābar rakhanā. ho sake to dhyānamay pratikramaṇ karanā aur na ho sake to shraddhā to avashya karanā. āchāryadevane kahā hai. ho sake to tū darshan-gnān-chāritrarup pariṇaman karake kevalagnānakī prāpti karanā. dhyānamay pratikramaṇa. dhyānamen aisī ugratā karanā ki svarupamen līn hokar bāhar na āye aisī ugratā karanā. lekin us prakārakā dhyānamay pratikramaṇ na ho sake to shraddhā to barābar karanā ki mārga to yahī hai. na ho sake to thak kar dūsare, tīsare kahīn thoḍā karake mainne bahut kiyā, thoḍe shubhabhāv karake mainne bahut kiyā aisā santoṣh mat mān lenā. santuṣhṭa mat ho jānā. (santuṣhya ho gayā to) tujhe āge jānekā avakāsh nahīn rahegā. lekin tūn aisī bhāvanā rakhanā ki mārga to yahī hai. santoṣh to andar ātmāmen-se santoṣh āye aur tr̥upti āye vahī yathārtha hai. vah na ho tabatak usakī shraddhā barābar rakhanā ki mārga to yahī hai. phir dhīre-dhīre chalenā ho yā jaldī chale usamen koī dikkat nahīn hai. lekin mārga to yathārtha grahaṇ karanā. āchāryadev aisā kahate hain, gurudev aisā kahate the.
mumukṣhuḥ- tr̥upti huī, yah kaise mālūm paḍe?
samādhānaḥ- vah apane āpako jān sakatā hai, apanī ruchi aur jignāsāse. gurudevane jo mārga batāyā hai, us mārgako andar gaharāī-se vichār karake mārga yahī hai, aisā svayam nirṇay karake vah jān sakatā hai ki karanā yahī hai. is gnānasvabhāvako hī grahaṇ karanā hai. dūsarā kuchh grahaṇ nahīn karanā hai. vah svayam apanī shraddhā aur pratītase apaneāpako pahachān sakatā hai, apanī pariṇatiko.
itanā karate hain aur kuchh hotā nahīn, aise thakakar tū usase pīchhe mat haṭanā, thakanā nahī̃n. tere utsāhako manda mat karanā. utsāh to aisā hī rakhanā ki sabakuchh ātmāmen hī hai, kahīn aur nahīn hai. main kar nahī sakatā hū̃n. utsāh to barābar rakhanā. na ban pāye to dhīre chalanā ho, der lage usamen koī dikkat nahīn hai. lekin mārga dūsarā koī pakaḍ le ki thoḍī kriyā karake dharma mānā, shubhabhāv thoḍā jyādā huā to dharma ho gayā, aisā tū mat mān lenā.
shuddhātmā men hīn dharma hai. nirvikalpa svarup hī ātmā hai aur shuddhātmāmen hī sab kuchh bharā hai, aisī shraddhā to barābar rakhanā. bhedagnān hī usakā upāy hai. ātmāke jo dravya-guṇ-paryāy yathārtha hai, us dravya par dr̥uṣhṭi karanā aur gnān sabakā karanā, andar pariṇati karanī, vah shraddhā barābar karanā. na ho sake to mere puruṣhārthakī mandatā hai aisī tū bhāvanā rakhanā. lekin thakakar dūsare taraph muḍanā nahī̃n.
ātmāmen hī sabakuchh hai. samyagdarshan apūrva hai gurudevane batāyā. anantakālamen sabakuchh prāpta kiyā lekin ek samyagdarshan durlabh hai. jinavar svāmī anantakālamen mile nahīn aur samyagdarshan prāpta huā nahī̃n. jinavar svāmī anek bār mile lekin svayanne pahachān nahīn karī. samyagdarshan prāpta karanekā sarvotkr̥uṣhṭa nimitta jinavar svāmī hai. nimitta aur upādān donon liyā. andaramen samyagdarshan nahīn huā aur bāharamen usakā sarvotkr̥uṣhṭa nimitta, use tūne barābar pahachānā nahīn hai. nimitta-