224 dhyAn karanese paramAtmA huA jAtA hai. vah mArga satpuruSh batAte hai.n.
satpuruShakI vinay upAsanA. jo satpuruSh kahe use grahaN kare aur satpuruShako vinayase ve jo mArga batAte hai.n, usakA Ashay grahaN kare, use vinayase sune, shravaN karake andar grahaN kare to prApta hotA hai. sva mati kalpanAse prApta nahI.n hotA. unakA vinay, unakI bhakti, hR^idayame.n bahumAn ho to vah pragaT hotA hai. sva mati kalpanAse artha kare ki ise kahate hai.n yA ise paramAtmA kahate hai.n, aise vah prApta nahI.n hotA. satpuruShakA Ashay barAbar grahaN kare. vinayase, bhaktise ki ve kyA kahanA chAhate hai.n? koI apUrva mArga guru batA rahe hai.n. gurune jo apUrvatA batAyI, us apUrvatAko svaya.n barAbar vinayase samajhe to prApta hotA hai.
svaya.n dhyAn karane jAy to dhyAn jamatA bhI nahI.n hai. paramAtmA kise kahate hai.n, yah yathArtha grahaN kiye binA dhyAn (hotA nahI.n). nij astitva grahaN kiye binA dhyAn jam nahI.n sakatA. dhyAn tara.ngarUp ho paDatA hai. dhyAn anAdi kAlame.n kiyA, bahut bAr dhyAn kiyA, vikalpa manda hue, dhyAname.n kuCh ekAgratA huyI parantu AtmA grahaN nahI.n huA, to dhyAn tara.ngarUp ho paDA. kuCh lAbh nahI.n huA. satpuruShake vinayase unho.nne jo kahA vah grahaN karanese paramAtmA pahichAne jAte hai.n, paramAtmAkA dhyAn hotA hai. sab satpuruShake charaName.n vinay aur bhaktise unake vachano.nko grahaN karanese hotA hai.
mumukShuH- bhakti kaisI?
samAdhAnaH- bhakti to svaya.n mahimA kare. bAharase bhakti kare aisA artha nahI.n hai. a.ntarame.n bahumAn AnA chAhiye. unake vachan par sarva prakArase bahumAn AnA chAhiye. arpaNatA honI chAhiye. ve kahate hai.n barAbar hai, unho.nne jo mArga kahA hai vah barAbar hai. is tarah svaya.n svaya.nse nakkI karake bahumAn AnA chAhiye. svaya.n vichAr karake nakkI kare ki ye satpuruSh hai.n aur koI apUrva mArga batA rahe hai.n. phir jo bhI kahe.n vah barAbar hai. aise svaya.n a.ntarame.nse us jAtakA bahumAn, us tarah hR^idayame.n bhakti AnI chAhiye.
mumukShuH- dUsare koI j~nAnIke prati idhar-udharake vikalpa Ate ho to use j~nAnIkA bahumAn yA bhakti a.ntarame.n nahI.n hai.
samAdhAnaH- nahI.n, idhar-udharake vikalpa Aye to vah bhakti nahI.n hai. jo guru kahate hai.n vah barAbar hI hai. phir usakA hR^iday arpaN ho jAtA hai. unakI bhakti aur mahimAse.. jo guru sAdhak dashA sAdh rahe hai.n usame.nse nikalI huyI vANI aur sAdhakatAke jo-jo kArya ho.n vah sab use bahumAnarUp hI grahaN karatA hai, anyathA grahaN nahI.n karatA.
mumukShuH- use usame.n sha.nkA na paDe.. us jAtakI taiyArI..