266 kahanA bhI nahI.n paDe ki Ap isake liye pravR^itta ho.n. ye bAt la.nbAtI rahatI hai, baraso.n, bhav, aisA mujhe lagatA hai.

samAdhAnaH- parantu itanA to svaya.nko lage na ki ye kuCh sArabhUt nahI.n lagatA. AstikyatAme.n svaya.nko utanA lage ki ye kuCh sAr(bhUt nahI.n hai), isame.n kahI.n sukh nahI.n dikhatA hai. ye bAharakA chAhe jitanA karate hai.n sa.ntoSh nahI.n hotA. tR^ipti nahI.n hotI hai. jIv vyartha prayatna karatA rahatA hai ki yahA.Nse sukh milegA, yahA.Nse sukh milegA, yahA.Nse sukh milegA. aise vyartha prayatna karatA hai. sa.ntoSh nahI.n hotA. sa.ntoSh nahI.n ho rahA hai ye yah batAtA hai ki sukhasvarUp vastu koI a.ntarame.n alag hai. isaliye sa.ntoSh nahI.n ho rahA hai.

jo sa.ntoShakA dhAm hai, jisame.n tR^ipti hotI hai aur jo sukhakA dhAm pragaT honeke bAd dUsarI koI ichChA hI nahI.n hotI, aisI koI vastu a.ntarame.n rahI hai. isaliye bAharame.n kahI.n bhI sa.ntoSh nahI.n hotA. isaliye jIv ichChA karatA hai ki kuCh dUsarA hai. aisI ichChA karatA hai. lekin vah pragaT kab ho? ki svaya.n puruShArtha kare taba. pahalese kisIko jhalak nahI.n dikhatI.

lekin jin mahApuruSho.nne pragaT kiyA hai, ve use batAte hai.n ki tU ye kar aur ham usakA anubhav karake tujhe kahate hai.n ki usakI svAnubhUti hotI hai, sAkShAtkAr hotA hai, AtmA sukhakA dhAm hai. usakA vishvAs karatA hai. usakA vishvAs to karanA chAhiye. mA.N-bAp use batAye to usakA putra jaise vishvAs karatA hai ki is rAste par chala. vaise ve batAte hai.n to apanI buddhise thoDA to vichAr kare. dukAn par koI mAl lenA ho to vah AdamI pUrI dukAn nahI.n dikhAtA. lekin usake amuk lakShaN parase pahichAne ki isakI dukAn achChI lagatI hai. aise lakShaNase pahichAne.

aise lakShaNase pahichAn lenA chAhiye. pahalese sab (dikhAI nahI.n detA). jo mahApuruSh ho.n ve unakI svAnubhUti bAhar nahI.n dikhAte. parantu usake lakShaN batAte hai.n. us lakShaNase vichAr karanA. kyo.nki svaya.nko sukh chAhiye, utanI taiyArI to chAhiye ki bAhar kahI.n sukh nahI.n hai, sa.ntoSh nahI.n hai. mujhe kuCh dUsarA chAhiye. utanI jij~nAsA to honI chAhiye. phir batAye usakA vishvAs karake, svaya.n us mArga par puruShArtha karanA chAhiye, to pragaT ho. is tarah jhalak nahI.n hai to vishvAsase (Age baDhe). sab vishvAs nahI.n, lekin buddhise vichAr kare, parIkShA kare ki, nahI.n, yah vastu sachchI hai.

mumukShuH- lekin us vishvAsame.n to kitanI bAr bhaTak jAte hai.n. kisI bhI guruke pIChe baraso.n nikal jAy, phir lage ki ye barAbar nahI.n hai, ye barAbar nahI.n. aise to ek prakArakA bhaTakanA hI ho jAtA hai. aur hAlat aisI trisha.nku jaisI ho jAtI hai.