mumukShuH- .. phirase vahI.n pahu.Nch jAte hai.n. usakA koI mArga batAIye.
samAdhAnaH- badal denA, bAra.nbAr badal denA. bAra.nbAr upayog palaTakar gurudevane jo kahA hai, usIkA manan, usIkA chi.ntavan, vahI karanA. AtmA apane svabhAvase shAshvat rahanevAlA, usakA svabhAv shAshvat dhruv, usakA utpAd-vyay sab usame.n hai. dUsare paradravyake paradravyame.n hai.n. usase bhinna-nyArA hai. use pahachAn lenA. sa.nyog parase dR^iShTi uThAkar a.ntarame.n dR^iShTi karanA. a.ntarako dekhanekI a.ntarachakShuko pragaT karanA. bAhya chakShuse nahI.n dikhegA.
mumukShuH- .. vyaktiko vah karanA chAhiye, aisA mai.n mAnatA hU.N. parantu andarame.nse sthir nahI.n huA jAtA. Ap koI rAstA batAye.nge?
samAdhAnaH- AtmAko grahaN karake a.ntarame.n.. gaharI guphA yAnI chaitanyatattvako pahichAna. usakA svabhAv pahachAnakar andar lInatA kare to jA sakatA hai. puruShArthakI mandatA ho to jA nahI.n sakatA. puruShArthakI ugratA ho to jA sakatA hai. AtmAko pIChAnanA ki AtmA kaun?
pahale bhedaj~nAn kare ki ye sharIr bhinna aur AtmA bhinna. vibhAvasvabhAv apanA nahI.n hai. aise bhedaj~nAn kare. chaitanyatattvako pahale nyArA-bhinna pahachAne ki mai.n chaitanyatattva bhinna hU.N. mai.n j~nAyak svabhAv, Ananda svabhAvase bharA huA ek tattva hU.N. us tattvako barAbar a.ntarame.nse grahaN karake phir usame.n lInatA kare to usame.n jA sakatA hai. pahale amuk prakArase jA sakatA hai, kyo.nki amuk prakArakI pahale ekatvabuddhi TUTatI hai. bhedaj~nAn hotA hai ki mai.n bhinna hU.N aur yah vibhAvasvabhAv bhinna hai. usakA bhedaj~nAn karake usame.n ekAgratA kare, dhyAn kare to usame.n use shAnti aur Ananda prApta hotA hai. parantu jab tak amuk prakArase asthiratA ho to vah bAhar AtA hai. parantu bAra.nbAr-bAra.nbAr usame.n jAnekA abhyAs kare to jA sakatA hai. puruShArtha kare.
pahale AtmAkA astitva grahaN kare. to usame.n sthir ho. astitva grahaN kiye binA sthir kahA.N hogA? isaliye pahale apanA astitva grahaN kare ki mai.n yah chaitanya j~nAyakatattva so mai.n hU.N. is prakAr usakA astitva barAbar grahaN ho to usame.n sthiratA ho, to usame.n dhyAn ho.
mumukShuH- dUsarI ek bAt yah hai ki darshan, j~nAn, chAritra ye tIn vastu mokShakA mArga hai. darshan aur j~nAna. to vA.nchan, satsamAgam aur us prakArase AtmAko prApta kar sakate hai.n. bAhya rItase arthAt mai.n aisA kahatA hU.N ki Agamake vA.nchanase, shAstro.nke vA.nchanase aur satpuruSho.nke samAgamase vah ho sakatA hai. aur chAritra hai.. apane yahA.N mujhe aisA lagA hai ki chAritra par kam vajan diyA jAtA hai.
samAdhAnaH- yathArtha samyagdarshan aur j~nAn prApta nahI.n huA hai. chAritra yAnI bAharakI