sab bAharakA maryAdit ho jAtA hai. vah ekatvabuddhi tanyamatAse vah nahI.n karatA hai, usakA ras, ruchi TUT jAtA hai. use AtmAkI hI ruchi lagatI hai ki ye kuChakarane jaisA nahI.n hai. use upAdey nahI.n lagatA hai. AtmAko hI a.ngIkAr karanA, aisI usakI a.ntarakI ruchi badal jAtI hai.

isaliye pahale mukhya samyagdarshan AtmAkI svAnubhUti ho to usame.n yathArtha chAritra AtA hai. aur vah chAritra, sachchA munipanA aur sachchA kevalaj~nAn usame.nse pragaT hotA hai. bAhya kriyA to bahut bAr kI hai. ananta kAlame.n aise veSh dhAraN kar liyA. abhI dekho to tyAg lekar bahut log nIkal paDate hai.n. parantu a.ntarame.n AtmAko pahachAne binA mAtra bAhya kriyA, mAtra shAstrase bole. abhI jo bolate hai.n, AtmA kaise prApta ho? usakI sab bAte.n chalatI hai.n. aur shAstrakI vah bAte.n karatA hai. a.ntarame.n karanA (hai). kyo.nki samyagdarshan prApta karanA vah bhI durlabh hai. isaliye usakA puruShArtha karaneke liye usakI bhAvanA, usakA puruShArtha, usakI lagan aur a.ntarame.n sab use niHsAr lage. sArabhUt AtmA hai. ruchi palaT jAtI hai.

a.ntarame.nse use tyAg ho jAtA hai. a.ntarakA tyAga. phir bAharakA tyAg Ate-Ate vah to usakA jaisA puruShArtha ho, vaisA ho. samyagdarshan jise prApta ho, usame.n kisIko turanta chAritra A jAy, kisIko der lage. koI chakravartI gR^ihasthAshramame.n ho use bAharase chAritra na ho to chAritra Aneme.n der lage. parantu a.ntarame.nse bhinna hI hote hai.n. phir chAritra Aye tab ChoDakar chale jAte hai.n. a.ntarame.nse svAnubhUtikI dashA aisI prApta ho jAy ki sab ChUT jAtA hai. aisA hotA hai. aur vah sachchA munipanA hai.

aisA to chakravartI ChoDakar chale jAte hai.n, tIrtha.nkar ChoDakar chale jAte hai.n. parantu vah a.ntarakA chAritra AtA hai ki jisase bhavakA abhAv hotA hai. bAhya tyAgase to kyA? aise shubhabhAv to bahut bAr kiyA hai aur puNyabandha huA aur devalokame.n gayA. usase bhavakA abhAv nahI.n hotA. isaliye gurudevane mukhya mArga batAyA hai ki bhavakA abhAv kaise ho?

mumukShuH- bahinashrI! gurudev, Ap kadAchit Ap do hI vyakti aisI hai.n ki jinho.nne kuCh siddhi kI hai. to vartamAname.n jitane bhI log is viShayako mAnate hai.n, usame.nse dUsare logo.nko asar honI chAhiye. loheme.nse pArasamaNi honA chAhiye. us dR^iShTise apane vichAr kare to abhI jo asar huyI hai, us viShayame.n Apake kyA vichAr hai.n? isakI asar, vichAraNA,... dharma hai vah vichAraNA hai, aur yah vichAraNA jo mahArAj sAhabane kI hai, usakI asar andar Utarakar samAjame.n dekhe.n to koI khAs visheSh huyI ho aisA Apako lagatA hai? kyo.nki... milate ho.nge.